2017-04-03 16:05:53, 2252 ნახვა
მსოფლიო
სომხეთში საპარლამენტო არჩევნებში მმართველმა გუნდმა გაიმარჯვა
სომხეთის საპარლამენტო არჩევნებში მმართველმა პარტიამ გაიმარჯვა, - ამის შესახებ უცხოური მედია იუწყება.
წინასწარი მონაცემით, პრეზიდენტ სერჟ სარქისიანის "რესპუბლიკურ პარტიას" მხარი ამომრჩეველთა 49% დაუჭირა. მეორე ადგილზე ოპოზიციური ბლოკი "ცარუკიანი" -27% არის.
სომხეთის საკანონმდებლო ორგანოში 4 პოლიტიკური ძალა იქნება წარმოდგენილი. აქედან ორი პროდასავლური, კიდევ ორი კი ევრაზიულ კავშირთან და რუსეთთან ურთიერთობის გაღრმავების მომხრეა.
სომხეთში ეს პირველი არჩევნები იყო საკონსტიტუციო ცვლილების შემდეგ, რომელიც მმართველობის საპარლამენტო მოდელზე გადასვლას ითვალისწინებს.
შეგახსენებთ, რომ სომხეთში საპარლამენტო არჩევნები გუშინ გაიმართა. მმართველი გუნდი თავიდანვე ლიდერობდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
