გუშინ, ლონდონში მომხდარ ტერაქტთან დაკავშირებით, ბირმინგემში ერთ-ერთ საცხოვრებელ სახლთან სამართალდამცველებმა რეიდი ჩაატარეს, - ამის შესახებ Reuters იუწყება. 

მედია საშუალების ცნობით, ქალაქის ეს უბანი რამდენიმე საათის განმავლობაში გადაკეტილი იყო. ადგილზე ათეულობით სამართალდამცველი იყო მობილიზებული, მათი ნაწილი კი შეიარაღებული. პოლიცია ამ ეტაპზე დეტალებს არ აკონკრეტებს. 

გავრცელებული ინფორმაციით, რეიდის შედეგად, 7 ადამიანი დააკავეს. 

ამასთან, როგორც უცხოური მედია იტყობინება, აღნიშნული უბნიდან იყო დაქირავებული ავტომობილი, რომელიც ქვეითებს დაეჯახა. 

შეგახსენებთ, გუშინ ლონდონში, შეიარაღებულმა მამაკაცმა ცივი იარაღით პოლიციელი დაჭრა, შემდეგ კი პარლამენტის შენობისკენ გაიქცა, თუმცა ამ დროს სამართალდამცველებმა მას ცეცხლი გაუხსნეს. თავდამსხმელი ადგილზე გარდაიცვალა.

ცოტა ხნის შემდეგ, ვესტმინსტერის ხიდთან ავტომობილი ქვეითებს გამიზნულად დაეჯახა. სულ ინციდენტის შედეგად 5 ადამიანი დაიღუპა, მათ შორის თავდამსხმელი, 20-მდე კი დაშავდა. 

სკოტლანდ-იარდმა მომხდარს ტერაქტის კვალიფიკაცია მიანიჭა.

პარლამენტის შენობა ამ დროისთვის ბლოკირებულია. ქვეყნის პრემიერ-მინისტრი ტერეზა მეი უსაფრთხო ადგილზე გადაიყვანეს. არსებული ინფორმაციით, ის უკვე ესაუბრა აშშ-ის პრეზიდენტ დონალდ ტრამპს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა