პარიზში, „ორლის“ აეროპორტში უცნობი პირი სამხედრო პატრულს თავს დაესხა.

როგორც BBC წერს, თავდამსხმელი პოლიციელისთვის იარაღის წართმევას ცდილობდა, რა დროსაც მას უსაფრთხოების სამსახურის თანამშრომელმა ესროლა. თავდამსხმელი ადგილზე გარდაიცვალა.

მომხდარის გამო ორლის აეროპორტი დაიხურა, რადგან უსაფრთხოების სამსახურის თქმით, შემთხვევა მგზავრებისთვის ექსტრემალურად საშიში იყო.

ზოგიერთი ფრანგული მედიასაშუალება წერს, რომ მამაკაცი მანამდე, პარიზის ჩრდილოეთ ნაწილში მომხდარ სროლაში მონაწილეობდა. 

მართალია, გარდაცვლილს ასაფეთქებელი ნივთიერება არ აღმოაჩნდა, თუმცა პარიზის აეროპორტში სპეცოპერაცია ახლაც მიმდინარეობს, რადგან სამართალდამცავები ეჭვობენ, რომ შესაძლოა, სადმე ბომბი იყოს დამონტაჟებული.

ორლის აეროპორტი პარიზის სამხრეთ ნაწილში მდებარეობს და დედაქალაქის მეორე უდიდესი აეროპორტია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა