საფრანგეთის პრეზიდენტობის კანდიდატის ფრანსუა ფიიონის საარჩევნო შტაბის უფროსმა პატრიკ სტეფანინმა თანამდებობა დატოვა, - ამის შესახებ BBC იუწყება. 

მედია საშუალების ინფორმაციით, მისი გადადგომა ფიიონის ცოლის უკანონო შემოსავლებთან დაკავშირებით აგორებული სკანდალის ფონზე მოხდა. სტეფანინის თქმით, მან „რესპუბლიკური პარტიის“ პრეზიდენტობის კანდიდატს საპრეზიდენტო კამპანიის შეწყვეტა მისი ცოლის საქმიანობასთან დაკავშირებით გამოძიების დაწყებისთანავე ურჩია. ყოფილმა თანაგუნდელმა ასევე აღნიშნა, რომ ფიიონი სავარაუდოდ არჩევნების მეორე ტურში ვერ გავა.

პარასკევს საფრანგეთის ცენტრისტულმა პარტიამ „დემოკრატების და დამოუკიდებლების კავშირმა“ ფიიონის მხარდაჭერაზე უარი განაცხადა და ქვეყნის "რესპუბლიკურ პარტიას" სხვა საპრეზიდენტო კანდიდატის წარდგენა შესთავაზა. 2 დღის წინ კი საფრანგეთის პოლიციამ პრეზიდენტობის კანდიდატის სახლი გაჩხრიკა.

გარდა ამისა, საფრანგეთის პრეზიდენტობის კანდიდატს თანაპარტიელებიც "გაექცნენ". პატრიკ სტაფინინის შემდეგ, მრჩეველმა საერთაშორისო საკითხებში ბრუნო ლე მარმაც განაცხადა. თანამდებობა დატოვა ასევე პრესსპიკერმა ტიერი სოლერმაც. ეს უკანასკნელი ფიიონის კამპანიას პრაიმერის პერიოდში უძღვებოდა, რომლის დროსაც ყოფილმა პრემიერმა გამარჯვება მოიპოვა.

შეგახსენებთ, რომ საფრანგეთის პროკურატურა ფიიონის ოჯახისთვის უკანონო გადარიცხვების საქმეს იძიებს. თავიდან საქმეში მხოლოდ პერზიდენტობის კანდიდატის ცოლი პენელოპა ფიგურირებდა, თუმცა მოგვიანებით საგამოძიებო ორგანოები მათი შვილების შემოსავლებითაც დაინტერესდნენ. პრეზიდენტობის კანდიდატს და ყოფილ პრემიერ-მინისტრს იმაში ადანაშაულებენ, რომ ცოლი და შვილები ფიქტიურად დაასაქმა და ხელფასის სახით ბიუჯეტის ფულს უხდიდა. ფიიონი ბრალდებებს უარყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა