საქართველოს ეკონომიკისა და მდგრადი განვითარების სამინისტროს ინოვაციების სააგენტოს, ტექნოპარკში,  უნივერსიტეტის - new vision სტუდენტები დღეს 19:00 საათზე  ეწვევიან.

ინოვაციებისა და ტექნოლოგიების სააგენტოს ინფორმაციით,  სტუმრები ტექნოპარკის სივრცეს  დაათვალიერებენ და  სააგენტოს პროექტებსა და პროგრამებს გაეცნობიან.

მათივე ინფორმაციით, ასევე, ინოვაციების სააგენტოსა და New Vision-ის წარმომადგენლებს შორის დაგეგმილია  ორმხრივი შეხვედრა, სამომავლო თანამშრომლობის შესაძლებლობებისა და მემორანდუმის  გაფორმების განხილვის მიზნით.

ცნობისთვის,  უნივერსიტეტი New Vision დაარსდა 2013 წელს. ის სტუდენტებს პიროვნების თავისუფალი განვითარების ხელშემწყობ საგანმანათლებლო პროგრამებს სთავაზობს. პროგრამა ორიენტირებულია სტუდენტის თავისუფალ არჩევანზე - გამოიმუშაოს ძირითადი სპეციალობის ფარგლებში სასურველი კომპეტენციები და შეიძინოს დამატებითი სპეციალობა, ან მოახდინოს სხვადასხვა პროგრამის კომპონენტების თავისუფალი კონცენტრაცია.

 ინოვაციების სააგენტოსა და  აღნიშნულ უნივერსიტეტს შორის თანამშრომლობა  საშუალებას მისცემს სტუდენტებს გაითავისონ, რა არის ინოვაცია და გაეცნონ მაღალტექნოლოგიურ პროექტებსა და დანადგარებს.  ეს შესაძლობლობა განუვითარებს ახალგაზრდებს განსხვავებულად ფიქრის უნარს, რაც მომავალში გაზრდის  მეტი ინოვაციური სტარტაპის შექმნის პოტენციალს.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა

კახა კალაძე Kordz-ის კონცერტის გაუქმებაზე: როდესაც სცენას იყენებ იმისთვის, რომ ვიღაცას შეურაცხყოფა მიაყენო, ეს კატეგორიულად მიუღებელია

კალაძე რუსთაველის პროტესტის მონაწილეებს: როდესაც უცხო ქვეყნის წარმომადგენლები საკუთარი ინტერესების გასატარებლად, სამშობლოს წინააღმდეგ გიყენებენ - ძალიან მძიმეა

დევდორაკის ხეობაში მეწყერის საფრთხის დონე მოხსნილია, მუშაობა განაახლა გამშვებმა პუნქტმა დარიალმა