„მომავალში იმედია, სასქართველოში მეტი ესტონური ინვესტიცია შემოვა“, –ამის შესახებ საქართველოს პრემიერ–მინისტრმა ირაკლი ღარიბაშვილმა საქართველო–ესტონეთის ბიზნეს–ფორუმზე განაცხადა.
 

მისივე თქმით, ესტონეთი საქართველოს სტრატეგიული პარტნიორია და ევროკავშირთან ასოცირების ხელშეკრულება, ქვეყნებს შორის სავაჭრო–ეკონომიკური პოტენციალის ათვისებას ხელს შეუწყობს. 

„მე დარწმუნებული ვარ, რომ ევროკავშირთან ასოცირების ხელშეკრულება, ღრმა და ყოვლისმომცველი თავისუფალი სავაჭრო სივრცის ჩათვლით ნამდვილად ხელს შეუწყობს ჩვენს ქვეყნებს შორის სავაჭრო და ეკონომიკური  პოტენციალის სრულად ათვისებას. ესტონეთი ისევე, როგორც საქართველო დიდი ქვეყანა არ არის, მაგრამ ესტონეთმა მართლაც სასწაული მოახდინა, ძალიან მოკლე დროში დიდ წარმატებას მიაღწია“, – აღნიშნა პრემიერმა. 

ღარიბაშვილის განცხადებით, საქართველოს წინსვლისთვის დიდი მნიშვნელობა აქვს ისეთი ბიზნესგარემოს ჩამოყალიბებას, როგორიც ესტონეთშია.

რადგან, პრემიერის შეფასებით, ესტონეთი თანამედროვე ტექნოლოგიების დანერგვის კუთხით ერთ–ერთი გამორჩეული ქვეყანაა. 

„ ესტონეთი თანამედროვე ტექნოლოგიების დანერგვის და ინოვაციების კუთხით ერთ–ერთი გამორჩეული ქვეყანაა.  ჩვენი ქვეყნის წინსვლისთვის ძალიან დიდი ნიშვნელობა აქვს ისეთი ბიზნესგარემოს ჩამოყალიბებას, როგორიც ესტონეთშია“, – განაცხადა ღარიბაშვილმა. 

მან აქვე აღნიშნა, რომ ესტონური კომპანია Skinest Group, რომელიც ჩვენი ქვეყნის ენერგეტიკის სექტორში ინვესტიციას ახორციელებს, საქართველოში სხვა პროექტების განხორციელებასაც  აპირებს. 

„ჩვენთვის სასიხარულოა, რომ ჩვენი ქვეყნის ენერგეტიკის სექტორში  ინვესტიციას ახორციელებს ერთ–ერთი ესტონური მოწინავე კომპანია Skinest Group.  მინდა მივესალმო ამ კომპანიის ხელმძღვანელს ოლეგ ოსინოვსკის, რომელიც დღეს ფორუმში მონაწილეობს.  ასევე მნიშვნელოვანია, რომ ეს კომპანია ჩვენთან სხვა პროექტების განხორციელებასაც აპირებს“, – აღნიშნა ღარიბაშვილმა და იმედი გამოთქვა, რომ  მომავალში სხვა ესტონური კომპანიებიც  დაინტერესდებიან საქართველოს შესაძლებლობებით და უფრო მეტი ესტონური ინვესტიცია  შემოვა საქართველოში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა