რუსეთი ამერიკის შეერთებული შტატებისთვის სპეცსამსახურების ყოფილი თანამშრომლის, ედვრად სნოუდენის გადაცემის საკითხს განიხილავს, - ამის შესახებ NBC-ი წყაროზე დაყრდნობით იუწყება.

მედია საშუალებაის ინფორმაციით, ერთ-ერთმა მაღალჩინოსანმა აღნიშნა, რომ სნოუდენის გადაცემა, ტრამპის „კეთილგანწყობის მოსაპოვებლად კეთდება" და მას აშშ-ის პრეზიდენტისადმი საჩუქარს უწოდებენ. სნოუდენის ადვოკატის ბენ უიზნერის თქმით, მან ასეთი გეგმების შესახებ არაფერი იცის.

როგორც თავად სნოუდენმა აღნიშნა, ტელეარხის ინფორმაცია ადასტურებს იმ ფაქტს, რომ მას რუსეთის სპეცსამსახურებზე არასოდეს უმუშავია და მათი აგენტი არასოდეს ყოფილა.

"არც ერთი ქვეყანა არ გაყიდის თავის აგენტს, რადგან დანარჩენებს შეეშინდებათ, რომ ოდესმე მათი ჯერიც დადგება", - დაწერა Twitter-ზე  სნოუდენმა.

ცნობისთვის, 21 იანვარს კრემლის ოფიციალურმა წარმომადგენელმა დიმიტრი პესკოვმა განაცხადა, რომ "სნოუდენი საჩუქარი არ არის, რომლის გაჩუქებაც შეიძლება". მან ასევე დასძინა, რომ მისი ამერიკისთვის ექსტრადირება მხოლოდ საიმიგრაციო სამსახურებს და თავად ვლადიმერ პუტინს შეუძლია.

შეგახსენებთ, რომ ამერიკა სნოუდენს ბრალად საიდუმლო ინფორმაციის რუსეთისთვის გადაცემას სდებს. რუსეთმა სნოუდენს თავშესაფარი მისცა. მას სამშობლოში 30-წლიანი პატიმრობა ემუქრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს