„მინდა მადლობა გადავუხადო მთელ ქართველ ხალხს, იმ მხარდაჭერისათვის, რასაც უკრაინის მიმართ, მისთვის ასეთ რთულ დროს  გამოხატავს“,-ამის შესახებ უკრაინის კონსულმა საქართველოში ლიუბოშ კაროლმა თბილისის საერთაშორისო აეროპორტში, უკრაინაში გარდაცვლილი  ალექსანდრე გრიგოლაშვილის ჩამოსვენებისას  ჟურნალისტებს განუცხადა.

მან ასევე გარდაცვლილის ოჯახის წევრებს მიუსამძიმრა და მათ მიმართ თანაგრძნობა გამოხატა.

„უკრაინელი ხალხის სახელით მინდა თანაგრძნობა გამოვხატო  გარდაცვლილი ალექსანდრეს ოჯახის წევრებისა და ახლობლების მიმართ, მინდა მადლობა გადავუხადო მთელ ქართველ ხალხს, იმ მხარდაჭერისათვის, რასაც უკრაინის მიმართ გამოხატავს მისთვის ასეთ რთულ დროს“,-განაცხადა ლიუბოშ კაროლმა.

შეგახსენებთ, რომ 31 წლის ალექსანდრე გრიგოლაშვილი, რომელიც “აიდარში” იბრძოდა, 18 დეკემბერს დაიღუპა. გარდაცვლილის ცხედარი სამშობლოში დღეს დილით 08:30 საათზე ჩამოასვენეს.

აეროპორტში ჩამოსვენების ცერემონიას საგარეო საქმეთა მინისტრის მოადგილე ვლადიმერ გურგენიძე და უკრაინის კონსული დაესწრნენ. აეროპორტში იმყოფებოდნენ გარდაცვლილის ოჯახის წევრები და ახლობლებიც.

ალექსანდრე გრიგოლაშვილის ცხედარი თბილისის აეროპორტიდან პირდაპირ ქუთაისში, მის საკუთარ სახლში გადაასვენეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო

მომავალ კვირას გაეროს გენერალურ ასამბლეაზე დაახლოებით 130 მსოფლიო ლიდერი შეიკრიბება