პენტაგონი „ტრამპ-თაუერში“ ოფისის იჯარით აღების საკითხს განიხილავს, - ამის შესახებ CNN-ი იუწყება.

როგორც სამხედრო უწყების წარმომადგენელი განმარტავს, ეს აუცილებელი ზომაა იმ შემთხვევისთვის, თუკი პრეზიდენტი დონალდ ტრამპი მანჰეტენზე ცათამბრჯენში სტუმრობას გადაწყვეტს.

მედიის ინფორმაციით, პირველ რიგში, საქმე ეხება "ბირთვული ჩემოდნის" კონტროლს - წესების მიხედვით, შეიარაღებული ძალების სპეციალურად დანიშნული ოფიცრები ძალიან ახლოს უნდა იყვნენ ჩემოდანთან და პირადად პრეზიდენტთან.

„ტრამპ-თაუერის“ იჯარით აღების საკითხს ჯარედ ჰოროვიცი აკონტროლებს. მისი თქმით, ერთი სართულის დაქირავება, რომლის ფართობი 1440 კვ.მ-ია, წელიწადში 1,5 მილიონი დოლარი დაჯდება. 

ცნობისთვის, აშშ-ის პრეზიდენტის ოფიციალური რეზიდენცია თეთრი სახლია, თუმცა 2017 წლის 22 იანვარს ტრამპის მეუღლემ მელანიამ და შვილმა ბრენონმა ვაშინგტონი დატოვეს, რადგან მანამდე გადაწყდა, რომ ბრენონი სასწავლო წელს ნიუ-იორკში დაასრულებს და იმ დრომდე დედა მასთან ერთად იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს