ამერიკის შეერთებული შტატების პრეზიდენტი დონალდ ტრამპი კომპანია „კოკა-კოლას“ თხოვნით მიმართავს, მექსიკისა და ლათინური ამერიკის სხვა ქვეყნებში მისი პროდუქციის წარმოება შეაჩეროს, ან მინიმუმამდე შეამციროს, - ამის შესახებ პორტალი Denuncia leaks იუწყება

პორტალის ინფორმაციით, დონალდ ტრამპის შესაძლო ზრახვები Coca-Cola-ს კრიტიკას უკავშირდება, რომელმაც თეთრი სახლის ხელმძღვანელის, ახალი საიმიგრაციო პოლიტიკა გააპროტესტა.

Coca-Cola-მ ინტერნეტში კამპანია დაიწყო, სახელწოდებით #OrgullosoDeSer (ამაყი უნდა იყო), რაც მიზნად ისახავს ყველას აჩვენოს, რომ აშშ-ში მყოფი ლათინური ამერიკის წარმომადგენლები საკუთარი ეროვნული თვითმყოფადობით ამაყობენ.

მანამდე კი გავრცელდა ინფორმაცია, რომ მექსიკელი აქტივისტები ქვეყანაში ამერიკიდან იმპორტირებული საქონლისა და პროდუქტების ბოიკოტირების მოთხოვნით კამპანიას იწყებენ. აქტივისტების გადაწყვეტილება მექსიკასთან დაკავშირებით დონალდ ტრამპის პოლიტიკას უკავშირდება, რომელმაც ქვეყნის საზღვართან კედლის აშენების ბრძანებას ხელი მოაწერა.

ზოგიერთი აქტივისტი ასევე ისეთი ამერიკული კომპანიის ბოიკოტირებას მოითხოვს, როგორიცაა McDonalds, Walmart და Coca-Cola. შესაბამისი მოწოდება უკვე პოპულარული გახდა, სახელწოდებით #AdiosStarbucks (მშვიდობით, Starbucks).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს