სასამართლო რეფორმასთან დაკავშირებულ საკანონმდებლო პაკეტზე დადებული ვეტოს საკითხზე პრეზიდენტი სასახლეში ამ წუთებში არასამთავრობო სექტორის წარმომადგენლებს ხვდება.

ადვოკატთა ასოციაციის თავმჯდომარის ზაზა ხატიაშვილის განცხადებით, სანამ პრეზიდენტი ვეტოს დაადებდა, მათ გიორგი მარგველაშვილს მიმართეს და ყურადღება გაამახვილეს იმაზე, რომ სასამართლოს სრული "მურუსიზაცია" ქვეყნის განვითარებისთვის დამღუპველი იქნება.

ხატიაშვილმა მედიას განუმარტა, თუ რა იგულისხმა მან, სასამართლოს "მურუსიზაციაში":

"წულუკიანმა მოგვატყუა, რომ სასამართლოს თავმჯდომარეს აირჩევდნენ, როცა წარადგინა სასამართლო სისტემის რეფორმის ე.წ მესამე ტალღის კანონპროექტი, დარჩა ისე, როგორც იყო და დაუმატეს უფრო მეტი უბედურება. აღნიშნულთან დაკავშირებით, მივმართე საქართველოს პრეზიდენტს, ანუ იუსტიციის უმაღლეს საბჭოში სასამართლოს თავმჯდომარე შეიძლებოდა მხოლოდ 3 პირი ყოფილიყო. დღევანდელი კანონპროექტით ეს გაუარესდა და ნახევარი შეიძლება დააკომპლექტონ სასამართლო თავმჯდომარეებისგან იუსტიციის უმაღლესი საბჭო. ანუ რა გამოდის, სასამართლოს თავმდჯომარეს ნიშნავს იუსტიციის უმაღლესი საბჭო და შემდეგ სასამართლოს თავმჯდომარეებით აკომპლექტებს იუსტიციის უმაღლეს საბჭოს. ამასთან, ინსპექტორი დამოუკიდებელი იქნებაო, წულუკიანი გაიძახოდა, ყვიროდა, წიოდა, ვინ ირჩევს ინსპექტორს?! ირჩევს იუსტიციის უმაღლესი საბჭო. ანუ პატარა მურუსიძეს აირჩევენ დიდი მურუსიძეები. ესაა ამ ქვეყნის ტრაგედია", - განაცხადა ზაზა ხატიაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით