„ნაციონალური მოძრაობის“ წევრი რომან გოცირიძე სასამართლო რეფორმასთან დაკავშირებულ საკანონმდებლო პაკეტზე პრეზიდენტის ვეტოს მართებულად მიიჩნევს და ფიქრობს, რომ ვეტოს დაძლევის პროცედურა უნდა გართულდეს.

ამის შესახებ გოცირიძემ ჟურნალისტებს ვეტოს საკითხზე პრეზიდენტის სასახლეში საპარლამენტო ფრაქციების წარმომადგენლებთან გამართული შეხვედრის შემდეგ განუცხადა.

"დღეს ვეტოს დაძლევა ელემენტარულია და ამაზეც ვისაუბრეთ, რომ ვეტოს ჰქონდეს თუნდაც პროცედურული წონა, რომ მისი დაძლევა არ იყოს მარტივი და მოხდეს გარკვეული ცვლილებები, რათა ვეტოს უფრო მეტი სამართლებრივი და პოლიტიკური ფუნქცია ჰქონდეს. მე არ ვიტყვი, რომ ვეტომ აზრი დაკარგა, მაგრამ დღეს ვეტოს დაძლევა ძალიან მარტივია", - განაცხადა რომან გოცირიძემ.

მისივე შეფასებით, როცა პრეზიდენტი ამა თუ იმ საკითხზე ვეტოს ამზადებს, წინასწარი კონსულტაციები უნდა გამართოს ოპოზიციასთანაც:

"აღიარა, რომ ჰქონდა კონტაქტი არასამთავრობო სექტორთან და კარგი იქნებოდა, რომ ოპოზიციაც ყოფილიყო ამ პროცესში ჩართული", - აღნიშნა გოცირიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი

ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი

იუსტიციის მინისტრის მოადგილის პოსტიდან მერაბ ტურავა გაათავისუფლეს

სააფთიაქო ნარკომანიის საქმეზე ერთ-ერთი ბრალდებული ჯანდაცვის მინისტრის ყოფილი მოადგილეა