ევროკომისარი დიმიტრის ავრამოპულუსის განცხადებით, საქართველო ახორციელებს ყველა აუცილებელ რეფორმას, რათა ყველა უმაღლესი კრიტერიუმი დააკმაყოფილოს, - ამის შესახებ დიმიტრის ავრამოპულუსმა პლენარულ სესიაზე საქართველოსთვის ვიზალიბერალიზაციის მინიჭების საკითხის განხილვისას სიტყვით გამოსვლის დროს განაცხადა.

როგორც ავრამოპულუსმა აღნიშნა, საქართველოს მიერ ჩატარებულმა რეფორმებმა ქვეყანა ევროკავშირის სტანდარტებთან უფრო დაახლოვა და ქვეყანამ კიდევ ერთი ნაბიჯი გადადგა ამ მიმართულებით. 

„საქართველო სამაგალითო გახლავთ იმით, რომ ის საგზაო რუკის მოთხოვნებს ასრულებს. მე კმაყოფილი და მადლიერი ვარ, რომ საქართველოს მოქალაქეები, რომლებიც ფლობენ ბიომეტრიულ პასპორტებს, შეძლებენ ევროკავშირის შენგენის წევრ ქვეყნებში მოკლევადიანი უვიზო მომოსვლის რეჟიმით ისარგებლონ. ეს გახლავთ ფრიად მნიშვნელოვანი მიღწევა", - განაცხადა ევროკომისარმა.

ამასთან, ავრამოპულუსმა საქართველოში, კერძოდ კი თბილისში ვიზიტი გაიხსენა და აღნიშნა, რომ ქართველი ხალხი ნამდვილად იმსახურებს ვიზალიბერალიზაციას.

"როდესაც ჩავედი თბილისში, ევროკავშირის უამრავი დროშა ვნახე. ეს ძალიან მისასალმებელი ფაქტია", - აღნიშნა მან.

ცნობისთვის, ევროპარლამენტში საქართველოსთვის უვიზო რეჟიმის დაწესების საკითხს განიხილავენ. პლენარულ სესიას საქართველოს პარლამენტის თავმჯდომარე, ირაკლი კობახიძე ესწრება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს