რუსეთის ფედერაციის დუმამ მიიღო კანონი, რომლის მიხედვითაც ახლო ნათესავისთვის ერთჯერადი დაზიანებების მიყენება დეკრიმინალიზებული ხდება. კანონპროექტს მხარი 385 დეპუტატმა დაუჭირა, წინააღმდეგი მხოლოდ ორი წავიდა.

რუსეთში ფიზიკური დაზიანებების მიყენება სისხლის სამართლის დანაშაულიდან ადმინისტრაციულ სამართალდარღვევათა კატეგორიაში გადაინაცვლებს. კანონპროექტის ერთ-ერთი ავტორი ფედერაციის საბჭოს წევრი, ელენა მიზულინაა.

დუმის დეპუტატის ოლგა ბატალინას განცხადებით, როცა კაცს არ უნდოდა ცალის ცემა, მაგრამ ემოციები ვერ გააკონტროლა იგი ამისთვის არ უნდა დაისაჯოს.

"ცხოვრებაში შეიძლება ბევრნაირი სიტუაცია შეიქმნას, დასახელებული ცვლილებები კი იმ ადამიანების გონივრულ პასუხისმგებლობას დააყენებს, ვინც დაზიანებების მიყენება ემოციური კონფლიქტის დროს ჩაიდინა, მაშინ, როდესაც მას ჯანმრთელობისთვის სერიოზული ზიანის მიყენების განზრახვა არ ჰქონია." - აცხადებს ბატალინა.

კანონის კიდევ ერთი ავტორის, მიზულინას მტკიცებით სახელმწიფო, რომელიც ოჯახის მარჩენალ ქმარს ციხეში სვამს -  "ოჯახის დანგრევაშია დამნაშავე და წყვილს შერიგებაში ხელს უშლის".

კანონპროექტის თანახმად, თუ ოჯახის წევრმა იძალადა, მაგრამ ამ ქმედებით არ მიაყენა მძიმე ფიზიკური დაზიანება (ტრავმა), და შრომისუნარიანობა არ დააკარგვინა სხვა ოჯახის სრულწლოვან წევრს, ეს დანაშაული სისხლის სამართლის დანაშაულის სტატუსს კარგავს და მხოლოდ 5-დან 30 ათას რუბლამდე (ან 240 საათი საზოგადოებრივი სამუშაოები) ადმინისტრაციული ჯარიმით დაისჯება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით