საქართველოს იუსტიციის მინისტრის თეა წულუკიანის განცხადებით, ოჯახებში  ხშირად ძალადობის მსხვერპლი მამაკაცებიც ხდებიან.

როგორც მან ჟურნალისტებს განუცხადა, სტამბოლის კონვენცია მათ უფლებებსაც იცავს:

„ქართულ ოჯახებში ხშირია, რომ მამაკაცი ხდება ძალადობის მსხვერპლი. არ გვეგონოს, რომ სტამბულის კონვენცია იცავს მხოლოდ ქალებს. მოხუცები არიან ოჯახში ძალადობის მსხვერპლი, აღარაფერს ვამბობ ბავშვებზე, რომელთა ცემაც ზოგან არის ჩვეულებრივი ამბავი. ყველა ამ ადამიანს იცავს კონვენცია.

ჩვენი უფლებების საუკეთესო ზედამხედველები ვართ ჩვენ თვითონ და ძალიან მიხარია, რომ ოჯახში ძალადობის მსხვერპლების მიმართვიანობა პროკურატურისადმი რამდენჯერმეა გაზრდილი ბოლო 2 წლის მანძილზე. ეს იმას ნიშნავს, რომ მსხვერპლებმა ამოიღეს ხმა მიუხედავად იმისა, რომ ჯერ კიდევ არსებობენ ქალები, რომლებიც ყოველდღე არიამ ძალადობის მსხვერპლი, თუმცა თავს იკავებენ ჩივილისგან“,- განაცხადა წულუკიანმა.

მანვე მოუწოდა ძალადობის მსხვერპლ ქალებს,  ძალადობის წინააღმდეგ ხმა ამოიღონ და შესაბამის ორგანოებს მიმართონ.

შეგახსენებთ, საქართველოს მთავრობამ ოჯახში ძალადობის წინააღმდეგ მომზადებული საკანონმდებლო ცვლილებების პაკეტი დაამტკიცა.

საკანონმდებლო  ცვლილებების მიზანი ქალთა უფლებების დაცვა და „ქალთა წინააღმდეგ ძალადობისა და ოჯახში  ძალადობის პრევენციისა და აღკვეთის შესახებ“ სტამბოლის  კონვენციის  რატიფიკაციასთან დაკავშირებით კონვენციის  დებულებებთან საქართველოს კანონმდებლობის  შესაბამისობაში მოყვანაა.

იუსტიციის სამინისტროს  მიერ შემუშავებული აღნიშნული საკანონმდებლო  ცვლილებებათა პაკეტი 20-მდე კანონს შეეხება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის