ამერიკის ახალი პრეზიდენტის, დონალდ ტრამპის ინაუგურაციის შემდეგ, თეთრი სახლის ვებგვერდიდან - whitehouse.gov  ლგბტ თემის უფლებების შესახებ ინფორმაცია წაიშალა, - ამის შესახებ ინფორმაციას The Daily Beast ავრცელებს.

მედია საშუალების ცნობით, ვებგვერდზე ასევე წაშლილია სამოქალაქო უფლებებისა და კლიმატის ცვლილებების შესახებ ინფორმაცია. აღნიშნული გვერდის ნაცვლად, გაჩნდა გვერდი "ქვეყნის სამართალდამცველების მხარდამჭერი საზოგადოება". კერძოდ, ახალ გვერდზე გამოქვეყნებულ ინფორმაციაში ნათქვამია, რომ ვაშინგტონში მკვლელობის სტატისტიკა 50%-ით გაზრდილია. ამასთან, გამოცემა აღნიშნულ ინფორმაციას ეწინააღმდეგება. მედიის ცნობით, ვაშინგტონში მკვლელობის სტატისტიკა 2016 უფრო ნაკლებია, ვიდრე 2015-ში.

გარდა ამისა, ვებგვერდზე კლიმატის ცვლილებების განყოფილება ამერიკის პირველი ენერგეტიკის გეგმით შეიცვალა, რომელიც კლიმატის ცვლილებების მიმართ ხედვას უგულებელყოფს.

"პრეზიდენტი ტრამპი მზად არის აღმოფხვრას მავნე და არასაჭირო საკითხები, როგორiცაა კლიმატის სამოქმედო გეგმა“, - წერია ენერგეტიკის გეგმაში.

ცნობისთვის, აშშ-ის ყოფილი პრეზიდენტის ბარაკ ობამას დროს, ქვეყანაში ერთიდაიმავე სქესის ქორწინება დაკანონდა. 2015 წლის ივნისში, უზენაესმა სასამართლომ ქვეყნის მასშტაბით, გეი-კავშირების დაკანონება დაადგინა.

წინა წლის მარტში, თეთრ სახლში ტრანსგენდერმა რაფი ფრიდმან-გარსპენმა დაიწო მუშოაბა. ის ლგბტ თემის უფლებების დამცველია. თეთრ სახლში მუშაობის დაწყბის შემდეგ, ის პირველია ვინც ტრანსგენდერობა აღიარა.

როგორც გამოცემა წერს, აშშ-ის ახალი ადმინისტრაცია სექსუალურ უმცირესობებთან დაკავშირებით, წინამორბედის შეხედულებებს არ იზიარებს. ასე მაგალითად, ვიცე-პრეზიდენტი მაიკლ პენსი, ცნობილია როგორც კონსერვატორი და ლგბტ თემის კრიტიკოსი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ