ტერორისტულმა დაჯგუფებამ „ისლამური სახელმწიფო“, 2016 წელს ერაყსა და სირიაში ოკუპირეული ტერიტორიების დაახლოებით მეოთხედი ნაწილი დაკარგა,- ამის შესახებ BBC ბრიტანეთის კვლევით კომპანია IHS Markit-ზე დაყრდნობით იუწყება.

ექსპერტების ინფორმაციით, ერთი წლის განმავლობაში ჯიჰადისტებმა თითქმის 18 ათასი კვ. კმ ტერიტორია დაკარგეს. ამჟამად ისინი 60.4 ათას კვ. კმ ფართობს აკონტროლებენ.

კომპანიის მიერ წარმოდგენილი კვლევის თანახმად ირკვევა, რომ 2016 წელს "ისლამური სახელმწიფოს" მებრძოლებმა ოკუპირებულ ტერიტორიების 23% დაკარგეს, ხოლო 2015 წელს - 14%.

„ისლამურმა სახელმწიფომ“ 2016 წელს უპრეცედენტოდ დიდი რაოდენობით ტერიტორიული დანაკარგი განიცადა. ეს ასევე სტრატეგიულ რაიონებს ეხება, რომლებიც გადამწყვეტ როლს ასრულებდნენ დაჯგუფების გეგმების განხორციელებაში", - განაცხადა HS Markit-ის უფროსმა ანალიტიკოსმა კოლუმბ სტრეკმა.

მისივე თმით, ორგანიზაცია იმედოვნებს, რომ ასადის სამხედრო ძალები ქალაქ მოსულს წლის პირველ ნახევარში დაიბრუნებენ.

როგორც ექსპერტები აღნიშნავენ, ყველაზე დიდი ბრძოლა ტერიტორიის დაბრუნების თვალსაზრისით სირიის ქალაქ რაკაში შედგება. რაკა ჯიჰადისტების სიმრავლით გამოირჩევა და მათი ერთ-ერთი ძირითადი ცენტრია, რომელსაც ანალიტიკოსების თქმით, ტერორისტები ადვილად არ დათმობენ.

ამასთან, კომპანიის ექსპერტების შეფასებით, დაჯგუფებაში განხეთქილების პროცესი მიმდინარეობს. ჯიჰადისტების ნაწილი უფრო ტრადიციულ ისლამურ დოქტრინას უჭერს მხარს, ნაწილი კი ისლამის უფრო რადიკალურ მიმდინარეობებს ირჩევს. ამ ყველაფერმა, ანალიტიკოსების თქმით, შესაძლოა დაჯგუფება ორ ნაწილად დაშალოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები