ვაშინგტონში, ხვალ, ამერიკის შეერთებული შტატების 45-ე პრეზიდენტის, დონალდ ტრამპის ინაუგურაცია გაიმართება.

თავდაპირველად, ახლადარჩეული პრეზიდენტი და ვიცე-პრეზიდენტი მაიკლ პენსი, ოჯახის წევრებთან ერთად წმინდა იოანეს ეკლესიაში მივლენ, რის შემდეგაც მოქმედი პრეზიდენტი ბარაკ ობამა და პირველი ლედი მიშელ ობამა მათ თეთრ სახლში მიიღებენ.

ინაუგურაციის ცერემონია კონცერტით დაიწყება.

თბილისის დროით 21:00 საათზე დონალდ ტრამპი აშშ-ის უზენაესი სასამართლოს თავმჯდომარის გლოვერ რობერტსის თანდასწრებით ფიცს დადებს.

პრეზიდენტის ინაუგურაციის კომიტეტის ინფორმაციით, დონალდ ტრამპი ფიცის დადებისთვის 2 ბიბლიას გამოიყენებს. როგორც კომიტეტში აცხადებენ, ერთი ბიბლია აშშ-ის მე-16 პრეზიდენტის, აბრაამ ლინკოლნის პირადი ბიბლიაა, რომელიც ყველა ინაუგურაციის განუყოფელ ნაწილად იქცა. მეორე ბიბლია, კი ტრამპის კუთვნილი ბიბლიაა, რომელიც დედამისმა სკოლის დასრულების შემდეგ, 1955 წელს 12 ივნისს აჩუქა.

ამასთან, აშშ-ის ვიცე-პრეზიდენტი მაიკლ პენსი მე-40 პრეზიდენტის რონალდ რეიგანის ბიბლიაზე დადებს ფიცს.

დონალდ ტრამპის ინაუგურაციას აშშ-ის კონგრესის წევრები, უზენაესი სასამართლოს მოსამართლეები, დიპლომატიური კორპუსის წარმომადგენლები, საზოგადო მოღვაწეები დაესწრებიან. ასევე ცერემონიას აშშ-ის ყოფილი პრეზიდენტები, ჯიმი კარტერი, ბილ კლინტონი და ჯორჯ ბუში უმცროსი დაესწრებიან.

ცნობისთვის, აშშ-ის ეროვნულ ჰიმნს America’s Got Talent-ის ფინალისტი, 16 წლის მომღერალი ჯეკი ივანკო შეასრულებს. კონცერტში ასევე ჩართული იქნებიან: შემდეგ. სამხედრო მარშის ორკესტრი და Radio City Rockettes-ის მოცეკვავეები.

შეგახსენებთ, რომ ამერიკის შეერთებულ შტატებში 50 დემოკრატი კონგრესმენი ახლადარჩეული პრეზიდენტის დონალდ ტრამპის ინაუგურაციას ბოიკოტს უცხადებს. გარდა ამისა, ათასობით მოქალაქემ პირობა დადო, რომ ტრამპის ინაუგურაციის ჩატარებას ხელს შეუშლის. ისინი ცენტრალური ქუჩების გადაკეტვას გეგმავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები