გერმანიაში საქართველოს 10 მოქალაქე ჯგუფური ქურდობის ბრალდებით დააკავეს, - ამის შესახებ ინფორმაციას გერმანული გამოცემა Tag24 ავრცელებს.

მედია საშუალების ინფორმაციით, სპეცოპერაცია დრეზდენსა და მის შემოგარენში დილის 6 საათზე დაიწყო.

პოლიციის დეპარტამენტის უფროსის განცხადებით, სპეცოპერაციაში 600 სამართალდამცველი მონაწილეობდა. მისივე თქმით, სამართალდამცველებმა ჩხრეკა 35 საცხოვრებელ სახლში ჩაატარეს.

სპეცოპერაციის შედეგად, 26-დან 38 წლამდე ასაკის ქართველი მამაკაცები დააკავეს. ისინი გერმანიაში დევნილის სტატუსით იმყოფებოდნენ. გამოძიების ინფორმაციით ქართველები ძირითადად სასმელს, სიგარეტს, ბავშვების საკვებ პროდუქტს, ყავებსა და პარფიუმერიას იპარავდნენ, რის შემდეგაც ევროპის სხვა ქვეყნებსა და აზიაში ყიდდნენ.

არსებული ინფორმაციით, საქართველოს ერთ-ერთ მოქალაქეს 30 გრამი კრისტალი და ჰეროინი აღმოაჩნდა. ამჟამად ბრალდებულები წინასწარი პატიმრობის იზალატორში იმყოფებიან. სასამართლო პროცესი ხვალ არის დანიშნული.

ამასთან, მედიის ცნობით, სპეცოპერაციის შედეგად დაკავებულები არიან ლატვიისა და ვიეტნამის მოქალაქეებიც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები