ამერიკის შეერთებულ შტატებში 26 დემოკრატი კონგრესმენი ახლადარჩეული პრეზიდენტის დონალდ ტრამპის ინაუგურაციას ბოიკოტს უცხადებს, - ამის შესახებ BBC იუწყება.

კონგრესმენები ერთ-ერთ მიზეზად ტრამპის მწვავე განცხადებებს ასახელებენ, როდესაც ახლადარჩეული პრეზიდენტი კონგრესმენ ჯონ ლუისს აკრიტიკებდა.

ლუისი მრავალი წლის განმავლობაში სამოქალაქო საზოგადოების უფლებების დამცველია და ბევრი ამერიკელისთვის გმირის სტატუსით სარგებლობს. 1965 წელს აშშ-ის რამდენიმე შტატში ლუისი ფერადკანიანი ამომრჩევლების უფლებებს იცავდა. არჩევნების შემდეგ ჯო ლუისმა ტრამპს "არალეგიტიმური პრეზიდენტი" უწოდა.

ტრამპის მხრიდან მწვავე კრიტიკის შემდეგ კონგრესმენებმა გადაწყვიტეს დონალდ ტრამპის ინაუგურაციაში მონაწილეობა არ მიიღონ. მედიის ცნობით, ასეთი კონგრესმენების რიცხვი ყოველდღიურად იზრდება.

როგორც BBC წერს, ახლადარჩეული პრეზიდენტის დონალდ ტრამპის ინაუგურაციაში მონაწილეობაზე რამდენიმე ცნობილმა ამერიკელმა მუსიკოსმაც თქვა უარი. არსებული ინფორმაციით, ინაუგურაციაში მონაწილეობას ამერიკული „ნიჭიერის“ ფინალისტი, 16 წლის ჯეკი ივანკო, სამხედრო მარშის ორკესტრი და Radio City Rockettes-ის მოცეკვავეები მიიღებენ, თუმცა რამდენიმე მოცეკვავემ ღონისძიებაში ჩართულობაზე უარი უკვე განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები