ამერიკის შეერთებული შტატების ახლადარჩეულმა პრეზიდენტმა დონალდ ტრამპმა პირობა დადო, რომ რუსეთის წინააღმდეგ დაწესებულ სანქციებს უახლოეს მომავალში არ გააუქმებს, - ამის შესახებ ტრამპმა ამერიკულ გამოცემა Wall Street Journal-თან ინტერვიუში განაცხადა.

ამასთან, ახლადარჩეულმა პრეზიდენტმა არ გამორიცხა, რომ გარკვეული პირობების შემთხვევაში სანქციების გაუქმება შესაძლებელია.

როგორც ტრამპმა აღნიშნა, სანქციები იმ შემთხვევაში გაუქმდება, თუ ოფიციალური მოსკოვი დაამტკიცებს, რომ ტერორიზმთან ბრძოლაში მისი ჩართულობა მნიშვნელოვანია და აშშ-ს სხვადასხვა მიზნების მიღწევაში დაეხმარება.

"თუ ჩვენ ურთიერთობის დარეგულირებას შევძლებთ, თუ რუსეთი ჩვენ ნამდვილად დაგვეხმარება, რატომ უნდა დავაწესოთ საქნქციები, მათ წინააღმდეგ ვინც კარგ საქმეს აკეთებს", - განაცხადა ტრამპმა.

იგი იმედოვნებს, რომ რუსეთის პრეზიდენტ ვლადიმერ პუტინს შეხვდება და ურთიერთობებს დაარეგულირებს. ასევე, ურთიერთობების მოგვარებას ჩინეთთანაც შეძლებს, რომელსაც წინასაარჩევნო პერიოდში მწვავედ აკრიტიკებდა.

შეგახსენებთ, რომ ამერიკის შეერთებული შტატების მოქმედმა პრეზიდენტმა ბარაკ ობამამ რუსეთის წინააღმდეგ სანქციები კიდევ ერთი წლით გაახანგრძლივა. სანქციების გახანგრძლივება ყირიმის ანექსიასა და უკრაინაში შეიარაღებული კონფლიქტში რუსეთის ჩართულობას უკავშირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები