„გალერეა ჰოსტელმა“ გასული წლის განმავლობაში მომხმარებლების ყველაზე მაღალი შეფასება 9.5 მიიღო და booking.com-ის სპეციალური ჯილდო დაიმსახურა.

მომხმარებელმა სასტუმრო სხვადასხვა კრიტერიუმებით შეაფასა. მათ შორის  დასახელდა სისუფთავე, კომფორტი, ადგილმდებარეობა, თანამშრომლების თავაზიანობა და ფასის შესაბამისობა ხარისხთან.

„booking.com-ის მთელი გუნდის სახელით ძალიან მოხარულები ვართ, რომ ამ პრიზს გადმოგცემთ. თქვენ დაადასტურეთ, რომ სტუმრების სურვილებს არა მარტო ასრულებთ, არამედ უფრო მეტს სთავაზობთ მათ. ვამაყობთ იმით, რომ ეს ჯილდო გადმოგეცით - სიმბოლო ჩვენი პატივისცემისა და იმის, რომ საუკეთესო შთაბეჭდილებას ახდენთ თქვენს სტუმრებზე“, - ნათქვამია booking.com-ის ღია წერილში.

ცნობისთვის, Booking.com მსოფლიოში ყველაზე დიდი ონლაინრესურსია, რომლითაც ტურისტები მსოფლიოს მასშტაბით სარგებლობენ. თითოეული მათგანი სასტუმროებს სხვადასხვა კრიტერიუმით აფასებს.

გალერეა ჰოსტელი გასულ წელს ბროსეს ქუჩა 11-ში გაიხსნა და ერთდროულად 23 სტუმრის მასპინძლობის შესაძლებლობა აქვს. ჰოსტელში ღამის გათენება საუზმით 23 ლარიდან იწყება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო