საქართველოს ვიზალიბერალიზაციისადმი დიდი უმრავლესობით მხარდაჭერით ევროპარლამენტი მტკიცე სიგნალს აგზავნის, რომ საქართველოს მხარდაჭერას განაგრძობს, - ამის შესახებ საქართველოს ვიზალიბერალიზაციის საკითხზე მომხსენებელი, ევროპარლამენტარი მარია გაბრიელი Twitterის საკუთარ გვერდზე წერს.

როგორც საქართველოს მომხსენებელმა, კომიტეტის სხდომაზე სიტყვით გამოსვლისას განაცხადა, საქართველო ევროკავშირის სტრატეგიული პარტნიორია და უვიზო მიმოსვლა რაც შეიძლება მალე უნდა დაწესდეს.

"გვინდა, რომ ევროკავშირი მეგობრების გარემოცვაში იყოს. საქართველო ჩვენი სტრატეგიული პარტნიორია და უვიზო მიმოსვლა რაც შეიძლება მალე უნდა დაწესდეს. ჩვენ არა მხოლოდ ვაახლოებთ საქართველოს მოსახლეობას ევროპულ ღირებულებებთან, არამედ ევროკავშირს უფრო უსაფრთხოს ვხდით. საქართველო თავდაცვისუნარიანობის გაძლიერებაში გვეხმარება", - განაცხადა მარია გაბრიელიმ.

ცნობისთვის, ევროპარლამენტის სამოქალაქო თავისუფლების, მართლმსაჯულებისა და შინაგან საქმეთა კომიტეტმა (LIBE) ევროპარლამენტსა და ევროკავშირის საბჭოს შორის 13 დეკემბერს მიღწეულ შეთანხმებას საქართველოს უვიზო რეჟიმის მინიჭების საკითხზე, მხარი დაუჭირა. 

არსებული ინფორმაციით, ევროპარლამენტის პლენარულ სესიაზე საქართველოს ვიზალიბერალიზაციის საკითხს სავარაუდოდ 2 თებერვალს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას

საფრანგეთის, გერმანიის, იტალიისა და დიდი ბრიტანეთის საგარეო საქმეთა სამინისტროები რუსეთ-საქართველოს ომთან დაკავშირებით ერთობლივ განცხადებას ავრცელებენ