აშშ-ის სახელმწიფო მდივნობის კანდიდატი რექს ტილერსონი რუსეთის მიერ საქართველოს რეგიონების ოკუპაციას საერთაშორისო სამართლისა და ნორმების დარღვევად მიიჩნევს, ამის შესახებ რექს ტილერსონმა სენატის საგარეო ურთიერთობათა კომიტეტის სხდომაზე განაცხადა, სადაც მისი კანდიდატურა განიხილებოდა.

რექს ტილერსონს დემოკრატიული პარტიის წევრმა, სენატორმა ბენ კარდინმა დაუსვა შეკითხვა, მიიჩნევს თუ არა ის საერთაშორიო სამართლისა და ნორმების დარღვევად საქართველოსა და უკრაინის რეგიონების ოკუპაციასა და ყირიმის ანექსიას, რაზეც სახელმწიფო მდივნობის კანდიდატმა დადებითად უპასუხა.

ტილერსონის თქმით, რუსეთი დღეს საფრთხეს წარმოადგენს. ამავე დროს, მან ბარაკ ობამას ადმინისტრაცია რუსეთის ქმედებებზე სუსტ რეაგირებაში დაადანაშაულა.

“ამჟამად რუსეთი საფრთხეა. ის შეიჭრა უკრაინაში, მოახდინა ყირიმის ანექსია. ის მხარს უჭერს იმ სირიულ ძალებს, რომლებიც უხეშად არღვევენ ომის კანონებს. ჩვენს მოკავშირეებს ნატო-ში აქვთ უფლება, იყვნენ შეშფოთებულები რუსეთის ასეთი აღზევებით”, - აღნიშნა ტილერსონმა.

თუმცა, მროგორც მან აღნიშნა, აშშ რუსეთთან დიალოგისკენ უნდა მიისწრაფოდეს, მაგალითად ტერორიზმთან ბრძოლის საკითხში.

“ჩვენ უნდა განვიხილოთ რუსეთთან თანამშრომლობის ვარიანტები საერთო ინტერესების საფუძველზე, მაგალითად, ტერორიზმის გლობალური საფრთხის შემცირების. იქ, სადაც რჩება აზრთა მნიშვნელოვანი სხვადასხვაობა, ჩვენ უნდა ვიყოთ მტკიცეები ამერიკისა და მისი მოკავშირების ინტერესების დაცვაში”, - განაცხადა აშშ-ის სახელმწიფო მდივნობის კანდიდატმა.

ტილერსონის თქმით, რუსეთმა უნდა გააცნობიეროს, რომ აშშ შეასრულებს თავის ვალდებულებებს მოკავშირეების წინაშე და რომ რუსეთმა უნდა აგოს პასუხი თავის ქმედებებზე.

ნავთობკორპორაცია Exxon Mobil-ის ყოფილი ხელმძღვანელი რექს ტილერსონი მომავალ სახელმწიფო მდივნად ახალარჩეულმა პრეზიდენტმა დონალდ ტრამპმა წარადგინა. ტილერსონი ცნობილია რუსეთთან მჭიდრო კავშირებით და მას “პუტინის მეგობრადაც” კი მოიხსენიებენ. 2013 წელს ვლადიმერ პუტინმა რექს ტილერსონი მეგობრობის ორდენით დააჯილდოვა.

სენატორმა მარკო რუბიომ რექს ტილერსონს პირდაპირ ჰკითხა, მიიჩნევს თუ არა ის ვლადიმერ პუტინს სამხედრო დამნაშავედ. ტილერსონმა პირდაპირ პასუხს თავი აარიდა და განაცხადა, რომ ის ასეთ ტერმინს არ გამოიყენებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში