მსოფლიო ბანკმა ახალი პროგნოზი "გლობალური ეკონომიკური პერსპექტივები" გამოაქვეყნდა, რომლის თანახმადაც საქართველოს ეკონომიკური ზრდა 2017 წელს 5.2%-ს შეადგენს.

ანგარიშის თანახმად, 2018 წლისთვის ეკონომიკური მაჩვენებელი 5.3%-მდე გაიზრდება, ხოლო 2019 წლისთვსი ბანკი 5.0%-ს პროგნოზირებს.

ამასთან, გამოცემის ინფორმაციით, გასული წლის ივნისის ანგარიშის შემდეგ, მსოფლიო ბანკმა საქართველოს ეკონომიკური ზრდის პროგნოზი 2017 წლისთვის 0,7 პროცენტული პუნქტით გააუმჯობესა, 2018 წლისთვის კი 0,3 პროცენტით.

რაც შეეხება გლობალურ ეკონომიკურ ზრდას, მსოფლიო ბანკმა 2017 და 2018 წლებისთვის ზრდის პროგნოზი შეამცირა.

როგორც ბანკის მიერ გამოქვეყნებულ ანგარიშშია ნათქვამი, 2017 წელს მსოფლიოს ეკონომიკური ზრდა 2,7%-ს შეადგენს, 2018 წლისთვის კი 2,9%-ს.

ივნისის ანგარიშის თანახმად, მსოფლიო ბანკის პროგნოზით, 2017 წლისთვის გლობალური ეკონომიკური ზრდა - 2,8% უნდა ყოფილიყო, 2018 წლისთვის კი - 3%.

„2008-2009 წლების ღრმა რეცესიის შემდეგ, 2016 წელი გლობალური ეკონომიკისთვის ყველაზე სუსტი იყო“, - ნათქვამია მსოფლიო ბანკის ანგარიშში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ