საქართველოს პრემიერ-მინისტრის გიორგი კვირიკაშვილის განცხადებით, 2016 წელს საქართველოში ჩამოსული ტურისტების რაოდენობა ნახევარი მილიონი ადამიანით გაიზარდა.

როგორც მან მთავრობის სხდომაზე აღნიშნა, ტურიზმიდან შემოსულმა შემოსავალმა 2 მილიარდ დოლარს გადააჭარბა:

“არ შემიძლია, არ გამოვეხმაურო იმ დადებით სტატისტიკას, რომელიც გვაქვს. ნახევარი მილიონი ადამიანით გაიზარდა საქართველოში ჩამოსული ტურისტების რაოდენობა 2016 წელს. 6 350 000-ზე მეტი საერთაშორისო მოგზაური ეწვია საქართველოს. 2 მილიარდ დოლარს გადააჭარბა ტურიზმიდან შემოსულმა შემოსავალმა. ეს არის ძალიან კარგი შედეგი და ეს არის შედეგი იმ საერთო ძალისხმევის, რომელსაც ვახორციელებთ როგორც ინფრასტრუქტურის განვითარების, ისე ტურისტული მიმართულების საერთაშორისო პოზიციონირების თვალსაზრისით. ამიტომ, ჩვენ ვფიქრობთ, რომ ის ინვესტიციები, რომელსაც ვახორციელებთ 4 სეზონიანი კურორტების შექმნისთვის, ასევე ტურისტული მიმართულებების, ახალი გზების მშენებლობის, საჯარო-კერძო სექტორებს შორის პარტნიორული მოდელების განვითარების თვალსაზრისით არის კიდევ უფრო გასაფართოებელი, ვინაიდან მას მოაქვს კონკრეტული შედეგები ადგილობრივი ბიზნესისთვის და ადგილობრივი მოქალაქეებისთვის დამატებითი შემოსავლის სახით. ეს მიმართულება გაგრძელდება, გაძლიერდება. წელს არაერთ საერთაშორისო, ძალიან მაღალი რეპუტაციის მქონე გამოცემებში საქართველო დასახელდა, რგოორც ერთ-ერთი ყველაზე მიმზიდველი. ზოგიერთ გამოცემაში ყველაზე მიმზიდველი ახალი ტურისტული მიმართულება მსოფლიოში და ეს არის ძალიან მისასალმებელი შედეგი, რომელიც გვახარებს“,- განმარტა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ