ვერავინ შეძლებს თურქეთის ერთიანობისა და მთლიანობის განადგურებას, - ამის შესახებ თურქეთის პრეზიდენტმა რეჯეფ ტაიფ ერდოღანმა განაცხადა.

როგორც ერდოღანმა აღნიშნა, ძალები, რომლებსაც არ შეუძლიათ თურქეთი ღიად გამოიწვიონ, მალულად მოქმედებენ.

„საინტერესოა ის, რომ ვინც ადრე თურქეთს ურცხვად ბრალს დებდა „დაეშის“ წინააღმდეგ ბრძოლაზე უარის თქმაში, დღეს ანკარასგან ითხოვს ანტიტერორისტული ოპერაციის შეწყვეტას. მაგრამ, ჩვენ გავაგრძელებთ ჩვენს გზას“, - აღნიშნა ერდოღანმა.

პრეზიდენტის თქმით, თურქეთი ეროვნული უსაფრთხოების პრობლემებს თავიდანვე თვითონ წყვეტდა, თუმცა მანვე დასძინა, რომ უსაფრთხოება არამხოლოდ შიდა არამედ გარე ფაქტორებზეა დამოკიდებული.

„ჩვენ ძირშივე უნდა გავანადგუროთ თურქეთის მიმართ საფრთხეები. ერთი წუთითაც არ უნდა დავივიწყოთ, რომ თურქეთის უსაფრთხოება არა გაზიანთეფის, ჰათაის, ყარსის ან ართვინის პროვინციებში იწყება, არამედ სირიის ალეპოში, იდლიბში, კვიპროსზე, ნახიჩევანში, ბათუმში, ბალკანეთში“, - განაცხადა რეჯეპ ტაიფ ერდოღანმა.

მისივე განმარტებით, ტერორისტები და მათი თანამზრახველები თავიანთ მიზნებს ვერ მიაღწევენ და თურქეთში ნაციონალური ან რელიგიური შუღლის გაღვივებას ვერ შეძლებენ.

„ცდილობენ თურქეთი მუხლებზე დააყენონ. ტერორისტები ჩვენ ყველა მხრიდან გვიტევენ. მტრები ცდილობენ თურქ ხალხს ზურგში დანა ჩასცხონ. ასეთი თამაშები არ გაუვათ“, - განაცხადა თურქეთის პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები