რუსეთის პრეზიდენტ ვლადიმერ პუტინის გადაწყვეტილებით, რუსეთის თავდაცვის სამინისტრომ სირიაში შეიარაღებული ძალების რაოდენობის შემცირება დაიწყო, - ამის შესახებ ინფორმაციას BBC-ი, გენერალური შტაბის უფროსს, ვალერი გერასიმოვზე დაყრდნობით ავრცელებს. 

მედია საშუალების ცნობით, კონფლიქტის ზონას პირველი რუსული ავიამზიდი "ადმირალი კუზნეცოვი" დატოვებს. ამასთან, პუტინი თავდაცვის სამინისტროს ინიციატივას დათანხმდა.

თავდაცვის სამინისტრო, კონფლიქტის ზონაში გასული წლის 29 დეკემბრიდან რუსეთის სამხედრო ძალების შემცირების ინიციატივით გამოვიდა. იმავე დღეს, რუსეთის ხელისუფლებამ განაცხადა, რომ სირიის ხელისუფლებასა და ოპოზიციის წარმომადგენლებს შორის ცეცხლის შეწყვეტის შესახებ შეთანხმებას ხელი მოეწერა.

შეგახსენებთ, რომ 31 დეკემბერს გაერო-ს უშიშროების საბჭომ სირიაში ცეცხლის შეწყვეტის შესახებ შეთანხმებას, ასევე დამასკოსა და ოპოზიციას შორის მოლაპარაკებების დაწყებას ერთხმად მხარი დაუჭირა.

ცნობისთვის, სამშვიდობო მოლაპარაკებები, სავარაუდოდ, მიმდინარე თვეში ასტანაში დაიწყება, მაგრამ რამდენიმე ოპოზიციური დაჯგუფება უკვე დაიმუქრა, რომ თუ სირიის მთავრობა ცეცხლის შეწყვეტის შესახებ შეთანხმებას კვლავ დაარღვევს, ზავი არ მიიღწევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები