ევროპარლამენტის მომავალი პრეზიდენტი, შესაძლოა იტალიის ყოფილი პრემიერ-მინისტრის სილვიო ბერლუსკონის მეგობარი, ანტონიო ტაიანი გახდეს, - ამის შესახებ „რია-ნოვოსტი" წყაროზე დაყრდნობით იუწყება.

არსებული ინფორმაციით, ასამბლეის ახალი ხელმძღვანელის არჩევნები 17 იანვარსაა დაგეგმილი და ფარული კენჭისყრით გაიმართება.

როგორც მედია წერს, ანტონია ტაიანი ამჟამად ევროპარლამენტში ყველაზე დიდი ფრაქცია "ევროპელი ხალხის პარტიის" თავმჯდომარეა. ცნობისთვის, ანტონიო ტაიანი ევროკომისიის თავმჯდომარის მოადგილის პოსტს იკავებდა.

"ყველაზე მეტი შანსი ამ ეტაპზე ტაიანის აქვს. სხვა რეალური კანდიდატები არიან: ჯანი პიტელა, ევროპელი სოციალის-დემოკრატების ფრაქციიდან და ბელგიის ყოფილი პრემიერ-მინისტრი ნი ვერქოფშტადთი, რომელიც ევროპარლამენტის ფრაქცია "ევროპელი ლიბერალ-დემოკრატების" თავმჯდომარეა", - აღნიშნავს წყარო.

მისივე ინფორმაციით, ანტონიო ტაიანის ფრაქციას ევროპარლამენტში 751 მანდატიდან - 216 აქვს, ჯანი პეტელას ფრაქციას - 189, ხოლო ბელგიის ყოფილ პრემიერს - 69.

შეგახსენებთ, რომ ევროპარლამენტის მოქმედმა პრეზიდენტმა მარტინ შულცმა პოსტის დატოვების შესახებ გასული წლის ნოემბერში განაცხადა. ამასთან, შულცმა აღნიშნა, რომ გერმანიაში 2017 წელს საპრეზიდენტო არჩევნებში მიიღებს მონაწილეობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები