ბაღდადის აღმოსავლეთ ნაწილში ავტომობილის აფეთქების შედეგად, 6 ადამიანი დაიღუპა, 15 კი მძიმედ დაშავდა, - ამის შესახებ სააგენტო Reuters-ი სამართალდამცველებზე დაყრდნობით იუწყება.

მედია საშუალების ინფორმაციით, აფეთქებაზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო.

როგორც დაჯგუფებასთან დაახლოებული სააგენტო Amaq-ი წერს, ალ-აბეიდის რაიონში ტერორისტებმა მანქანაში დამონტაჟებული ასაფეთქებელი მოწყობილობა აამოქმედეს. მათი სამიზნე შიიტი მუსლიმების ჯგუფი იყო.

ცნობისთვის, ბოლო ერთი კვირის განმავლობაში ბაღდადში რამდენიმე ტერორისტული აქტი განხორციელდა, მათი უმრავლესობა "ისლამური სახელმწიფოს" მიერაა ორგანიზებული. ტერაქტებს სულ 60-ზე მეტი ადამიანის სიცოცხლე ემსხვერპლა.

შეგახსენებთ, რომ "ისლამურმა სახელმწიფომ" ერაყში ტერიტორიების დიდი ნაწილი დაკარგა, რომლებსაც 2014 წლიდან აკონტროლებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები