თურქმა სამართალდამცველებმა, „ისლამური სახელმწიფოს“ 20 წევრი დააკავეს, რომლებიც სტამბოლში 31 დეკემბერს ღამის კლუბზე განხორციელებულ თავდასხმაში არიან ეჭვმიტანილი, - ამის შესახებ ინფორმაციას თურქული მედია ავრცელებს.

მედია საშუალების ცნობით, თურქეთის პოლიციამ რეიდები ქალაქ იზმირში განახორციელა და ეჭვმიტანილები 4 სხვადასხვა მისამართზე დააკავა. დაკავებულთაგან 11 ეჭვმიტანილი ქალია. მათი საცხოვრებელი სახლების ჩხრეკისას „შაჰიდის ქამარი“ და სხვა საბრძოლო მასალა აღმოაჩინეს.

ამასთან, თურქეთის საგარეო საქმეთა მინისტრის, მევლუთ ჩავუშოღლუს განცხადებით, კლუბზე თავდამსხმელის ვინაობა ცნობილია, თუმცა დეტალური ინფორმაცია გამოძიების ინტერესებიდან გამომდინარე არ ვრცელდება.

შეგახსენებთ, 31 დეკემბერს, სტამბოლში, ერთ-ერთ ღამის კლუბზე განხორციელებული თავდასხმის შედეგად 39 ადამიანი დაიღუპა. თავდასხმაზე პასუხისმგებლობა „ისლამურმა სახელმწიფომ“ აიღო.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა