ნატოს  სამხედრო განათლების განვითარების პროგრამის წარმომადგენლებმა, ვიზიტის დასასრულს  თავდაცვის უწყების ხელმძღვანელებთან გამართეს შეხვედრა.

თავდაცვის სამინისტროს ინფორმაციით, ჟან დან-დურანის ხელმძღვანელობით, DEEP-ის ჯგუფი თავდაცვის მინისტრის პირველმა მოადგილემ, გოჩა რატიანმა მიიღო. სტუმრებმა  ქართულ მხარესთან წლიური პროგრამა მიმოიხილეს და მიღწეულ პროგრესზე ისაუბრეს.  გოჩა რატიანმა DEEP-ის წარმომადგენლებს თავდაცვის სისტემის საგანმანათლებლო პროგრამების განვითარების საქმეში აღმოჩენილი  მხარდაჭერისთვის  მადლობა გადაუხადა.

დღესვე, DEEP-ის სამუშაო ჯგუფის წევრებმა დავით აღმაშენებლის სახელობის საქართველოს ეროვნული თავდაცვის აკადემიის ხელმძღვანელ პირებთან  შეხვედრა გამართეს. მხარეებმა  2015-2016 სასწავლო წლისათვის  კონკრეტული ღონისძიებები დაგეგმეს.  შეხვედრაზე აღინიშნა, რომ მიმდინარე წელს სამხედრო ინსტრუქტორებისა და აკადემიური პერსონალის გადამზადება, მეთოდოლოგიის შემუშავება, აქტიური სწავლების მეთოდების დანერგვა და  აკადემიის ადმინისტრაციული პერსონალისათვის გამოცდილების გაზიარება იგეგმება. მათ სერჟანტთა მომზადების ცენტრში განხორციელებული სამუშაოები შეაფასეს და ქართველ კოლეგებს ტრანსფორმაციის პროცესში გამოვლენილი პრობლემების დაძლევის შესახებ რეკომენდაციები გაუწიეს. 

ცნობისთვის, საქართველოში DEEP-ის  სამუშაო ჯგუფი ერთკვირიანი სამუშაო ვიზიტით იმყოფებოდა. ვიზიტის მიზანს სამხედრო განათლების გაუმჯობესების მხარდაჭერა, სერჟანტთა მომზადების ცენტრში ნატოს მიერ შემოთავაზებულ სასწავლო პროგრამების ოთხსაფეხურიან განათლების სისტემაზე გადაწყობის პროცესის შეფასება წარმოადგენდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს