რუსეთის პრეზიდენტ ვლადიმერ პუტინის განცხადებით, რუსეთი აშშ-დან 35 რუსი დიპლომატის გაძევებასა და ახალ სანქციებს, სიმეტრიულად არ უპასუხებს, - ამის შესახებ ინფორმაციას BBC ავრცელებს.

მედია საშუალების ცნობით, შესაბამისი ზომების ამოქმედება რუსეთის პრეზიდენტს საგარეო საქმეთა მინისტრმა სერგეი ლავროვმა შესთავაზა. თუმცა ვლადიმერ პუტინის თქმით, ის ამერიკელ დიპლომატებს პრობლემებს არ შეუმქნის.

“ჩვენ არ შევუქმნით პრობლემებს ამერიკელ დიპლომატებს. ჩვენ არავის გავაძევებთ. ჩვენ არ ავუკრძალავთ მათ ოჯახებსა და შვილებს ახალ წელს მათთვის ჩვეული დასვენების ადგილების გამოყენებას. მეტიც, რუსეთში აკრედიტებული ყველა ამერიკელი დიპლომატის შვილებს ვეპატიჟები კრემლში საახალწლო და საშობაო ნაძვის ხეზე”,  - ნათქვამია პრეზიდენტის განცხადებაში.

ამასთან, პუტინმა აღნიშნა, რომ მოსკოვს ყველანაირი საფუძველი აქვს, აშშ-დან 35 რუსი დიპლომატის გაძევებას ადეკვატურად უპასუხოს, თუმცა მისივე განმარტებით, მას “სამზარეულოს დიპლომატიის” დონეზე დაცემა არ სურს. 

“სამწუხაროა, რომ აშშ-ის პრეზიდენტის ადმინისტრაცია მუშაობას ამგვარად ამთავრებს”, - აღნიშნა ვლადიმერ პუტინმა.

მედიის ინფორმაციით, ვლადიმერ პუტინმა ბარაკ ობამას, დონალდ ტრამპსა და აშშ-ის მოსახლეობას დამდეგი ახალი წელი მიულოცა.

შეგახსენებთ, რომ თეთრმა სახლმა რუსეთის წინააღმდეგ ახალი სანქციების დაწესების შესახებ განაცხადა, რის შემდეგაც ვაშინგტონიდან და სან-ფრანცისკოდან 35 რუს დიპლომატს აძევებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა