საქართველოს შინაგან საქმეთა სამინისტროს  112-ის დეპარტამენტის SMS და ვიდეო ზარის სერვისის პრეზენტაცია ხვალ გაიმართება.

ღონისძიება სასტუმრო „Holliday Inn“-ში, 11:00 საათზე დაიწყება.

პრეზენტაციაში მონაწილეობას მიიღებენ საქართველოს შინაგან საქმეთა სამინისტროს 112-ის დეპარტა-მენტის დირექტორი გიორგი ბიჭაშვილი, გაეროს ელჩი საქართველოში ნილს სკოტი,  საქართველოს შინაგან საქმეთა მინისტრის მოადგილე არჩილ თალაკვაძე და საქართველოს შრომის, ჯანმრთელობისა და სოციალური დაცვის მინისტრის მოადგილე ზაზა სოფრომაძე.

 ღონისძიებაზე მიწვეულნი არიან საქართველოს მთავრობის, სამოქალაქო საზოგადოებისა და საერთაშორისო ორგანიზაციების წარმომადგენ-ლები და 112-ის ახალი სერვისის უშუალო ბენე-ფიციარები.

 პროექტი გაეროს განვითარების პროგრამისა (UNDP) და შვედეთის მთავრობის ხელშეწყობით ხორციელდება.

„ 112-ის SMS და ვიდეო ზარის სერვისი უფასოა და განკუთვნილია მხოლოდ ყრუ და სმენადაქვეითე-ბული პირებისთვის. 112-ში შემოსული შეტყო-ბინება, გადაუდებელი დახმარების შესახებ, გა-დაეცემა სასწრაფო-სამედიცინო დახმარებას, სა-პატრულო პოლიციასა და სახანძრო/სამაშველო სამსახურს. ვიდეო ზარის მეშვეობით შემოსულ შეტყობინებებს მიიღებენ ჟესტური ენის მცოდნე ოპერატორები“, - აცხადებენ 112-ში.

სერვისით სარგებლობისათვის საჭიროა წინასწარი რეგისტრაცია 112-ის ვებ-გვერდზე WWW.112.GE

სერვისი 27 მარტიდან, მთელი საქართველოს მასშტაბით ამოქმედდება და 24 საათის განმავ-ლობაში იმუშავებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები