აშშ-ის ახლადარჩეული პრეზიდენტი დონალდ ტრამპი ისრაელს მოუწოდებს, 20 იანვარს დაელოდოს, - ამის შესახებ BBC იუწყება. 

მედია საშუალების ცნობით, დონალდ ტრამპი ისრაელს მისი ინტერესების დაცვას პირდება. ტრამპის თქმით, ისრაელმა ძალა და მოთმინება უნდა მოიკრიბოს და მის ინაუგურაციას დაელოდოს, რომელიც 20 იანვარს გაიმართება.

"ჩვენ ვერ დავუშვებთ, რომ ისრაელს დამამცირებლად და პატივისცემის გარეშე მიმართონ. აშშ-ის სახით მათ ადრე ჰყავდათ მშვენიერი მეგობარი, თუმცა ახლა არა. დასასრულის დასაწყისი ირანთან მიღწეული შეთანხმება იყო, ახლა ეს გაერო-ს რეზოლუცია! იყავი ძლიერი, ისრაელო, 20 იანვარი შორს არაა!", - განაცხადა აშშ-ის ახალარჩეულმა პრეზიდენტმა.

შეგახსენებთ, რომ გასულ კვირას გაერო-ს უშიშროების საბჭომ მიიღო რეზოლუცია, რომელიც პალესტინურ ტერიტორიებზე ებრაული დასახლებების მშენებლობას გმობს. აშშ-ის მოქმედმა ადმინისტრაციამ რეზოლუციის წინააღმდეგ ვეტოს გამოყენებაზე უარი განაცხადა და კენჭისყის დროს თავი შეიკავა. რეზოლუციის მიღებამ ისრაელის პრემიერ-მინისტრის უკმაყოფილება გამოიწვია. ბენიამინ ნეთანიაჰუს თქმით, ისრაელი რეზოლუციის შესრულებას არ აპირებს.

უშიშროების საბჭოში გამართული კენჭისყრის შემდეგ, დონალდ ტრამპმა ბარაკ ობამას ამდინისტრაცია და გაერო გააკრიტიკა. მან გაერო-ს უწოდა კლუბი, სადაც ხალხი სალაპარაკოდ და დროის სატარებლად იკრიბება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა