ჰოლივუდის მსახიობი კერი ფიშერი ლოს-ანჯელესში 60 წლის ასაკში გარდაიცვალა, - ამის შესახებ ინფორმაციას BBC ავრცელებს.

მედია საშუალების ცნობით, კერი ფიშერის ერთ-ერთი მთავარი როლი “ვარსკვლავურ ომებში” პრინცესა ლეია იყო.

როგორც BBC წერს, რამდენიმე დღის წინ მსახიობი გულის შეტევით რონალდ რეიგანის სახელობის სამედიცინო ცენტრში გადაიყვანეს. კერი ფიშერი ლონდონიდან მიფრინავდა, როდესაც შეუძლოდ გახდა. პირველადი დახმარება მას თვითმფრინავში მყოფმა ექიმმა აღმოუჩინა, რის შემდეგაც მსახიობი კრიტიკულ მდგომარეობაში საავადმყოფოში გადაიყვანეს და ხელოვნური სუნთქვის აპარატზე შეაერთეს.

შეგახსენებთ, რომ 1970-იან წლებში მსახიობმა მონაწილეობა მიიღო “ვარსკვლავური ომების” სამ ეპიზოდში, სადაც ერთ-ერთი მთავარი როლი შეასრულა. 2015 წელს მან ითამაშა ლეგენდარული ფილმის გაგრძელებაში.

ცნობისთვის, 1980-იან წლებში მსახიობმა გამოსცა წიგნი, რომელშიც ნარკოდამოკიდებულების წინააღმდეგ თავის ბრძოლაზე წერდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა