საქართველო მზად არის, რუსეთს ტუ-154-ის ავიაკატასტროფაში გარდაცვლილების ცხედრების ძებნაში დაეხმაროს, თუ რუსული მხარე შესაბამისი თხოვნით მიმართავს, - ამის შესახებ რუსეთთან ურთიერთობების საკითხებში საქართველოს პრემიერ-მინისტრის სპეციალურმა წარმომადგენელმა, ზურაბ აბაშიძემ  “რია ნოვოსტისთან” საუბრისას განაცხადა.

როგორც აბაშიძემ აღნიშნა, მსგავში თხოვნით ოფიციალურ მოსკოვს საქართველოსთვის ჯერ არ მოუმართავს. 

"რუსულ მხარეს ასეთი თხოვნით არ მოუმართავს. ჰუმანიტარული დახმარების აღმოჩენა ნებისმიერი სახელმწიფოს ვალდებულებაა. ჩვენ გავქვს გამოცდილება, როდესაც შესაბამისი სამსახურები მონაწილეობდნენ ყაზბეგის რაიონში მეწყერის დროს მთებში დაკარგული ადამიანების ძებნაში. ასე რომ, ასეთი გამოცდილება არის და, როდესაც არსებობს აუცილებლობა, შესაბამისი სამსახურები ერთვებიან. თუმცა, ვიმეორებ, ამ შემთხვევაში ჩვენთის ასეთი თხოვნით არ მოუმართავთ”, - განაცხადა აბაშიძემ.

შეგახსენებთ, რომ შავ ზღვაში, სოჭის სანაპიროსთან ჩამოვარდნილი ტუ-154-ის ბორტზე სულ 84 მგზავრი და ეკიპაჟის 8 წევრი იმყოფებოდა. რუსეთის თავდაცვის სამინისტროს კუთვნილი თვითმფრინავი სოჭიდან სირიაში მიფრინავდა. მუსიკოსებს ჰმეიმის რუსულ ავიაბაზაზე მყოფი სამხედროებისთვის ახალი წელი უნდა მიელოცათ. ლაინერი მაშინ ჩამოვარდა, როდესაც შავი ზღვის რუსული აკვატორიის თავზე მანევრს ასრულებდა. თვითმფრინავის ჩამოვარდნის მიზეზი ამ დრომდე უცნობია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს