2016-12-24 10:08:02, 1116 ნახვა
საზოგადოება
შსს-ს მაშველებმა თბილისის საერთაშორისო აეროპორტში მასშტაბური სიმულაციური სწავლება ჩაატარეს
შსს-ს საგანგებო სიტუაციების მართვის სააგენტოს მეხანძრე-მაშველებმა, შოთა რუსთაველის სახელობის თბილისის საერთაშორისო აეროპორტის თანამშრომლებთან ერთად, მასშტაბური სიმულაციური სწავლება ჩაატარეს. ღონისძიებაში, მეხანძრე-მაშველების გარდა, სააგენტოს ქიმიური, ბიოლოგიური, რადიაციული და ბირთვული სამსახურის თანამშრომლებიც მონაწილეობდნენ.
სწავლებაზე იმიტირებული ხანძრის ჩაქრობისა და თვითმფრინავის კაბინაში გამნაღმველების მუშაობის პროცესი წარმოადგინეს.
სიმულაციური სწავლება მიზნად ისახავდა ინციდენტზე კოორდინირებული რეაგირების უნარ-ჩვევების გამომუშავებას, რაც რეალურ საგანგებო სუტუაციებში კატასტროფების რისკებს შეამცირებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
