აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე, აჭარის მთავრობის წევრებთან ერთად, ტურიზმისა და კურორტების დეპარტამენტის ღონისძიებას დაესწრო, რაც რეგიონში საუკეთესო სერვისის მქონე ტურისტული ობიექტები გამოვლენას ითვალისწინებდა.

მინისტრთა კაბინეტის წევრებმა გამარჯვებულ კომპანიებს სიმბოლურად სიგელები გადასცეს.

ფორუმზე პირველი გამარჯვებული კომპანია, სასტუმრო ,,ჰილტონი", სიმბოლურად აჭარის მთავრობის თავმჯდომარემ ზურაბ პატარაძემ გამოავლინა.

,,ძალიან მნიშვნელოვანი დღე იყო. დღეს კიდევ ერთხელ დავრწმუნდით, რომ ბათუმი, აჭარა 12 თვის განმავლობაში მაქსიმალურად არის ჩართული სხვადასხვა სექტორის სხვადასხვა დარგში. ტურიზმის მიმართულებით დღეს დაჯილდოვდა არაერთი კომპანია. მინდა მადლობა გადავუხადო ჩვენს ტურიზმის დეპარტამენტს, ზოგადად სექტორს ჩართულობაში. რაც შეიძლება ბევრი ტურისტი უნდა შემოვიდეს რეგიონში. ჩვენ ვავითარებთ სპორტულ ტურიზმს, აგროტურიზმს, საზღვაო ტურიზმს. ძალიან მნიშვნელოვანია ასევე სამთო-სათხილამურო ტურიზმის განვითარება და განვითარებულ ტურიზმთან ერთად ჩვენ გვჭირდება განვითარებული სერვისი", - აღნიშნა აჭარის მთავრობის თავმჯდომარემ.

ტურიზმის ინდუსტრიის საუკეთესო სერვისის მქონე ობიექტების დაჯილდოება „მაგნოლია 2016“ წელს მეორედ ჩატარდა. ღონისძიების მიზანი რეგიონში ტურიზმის დარგის სტიმულირება და გაუმჯობესებაა.

მაღალი სერვისის მქონე განთავსებისა და კვების ობიექტის, ტურისტული ატრაქცია/მუზეუმის, გიდის, ტურისტულ სააგენტოსა და ტურისტული მარშრუტის გამოვლენისას აჭარის ტურიზმის დეპარტამენტი მომხმარებელთა კვლევასა და ტურიზმის სექტორის გამოკითხვებს ეყრდნობა.

მომხმარებელთა შეფასებების მისაღებად დეპარტამენტმა სექტემბრიდან დაიწყო მომხმარებელთა კვლევა, რომელიც ონლაინ კვლევას, ასევე Trip Adviser-ზე, Booking.com-სა და Facebook.com-ზე ტურისტების შეფასებების კვლევას ითვალისწინებს. ტურისტების გამოკითხვა 10 დეკემბრამდე მიმდინარეობდა როგორც ონლაინ რეჯიმში ასევე რეგიონში არსებულ ტურისტულ-საინფორმაციო ცენტრებსა და ტურისტულ ადგილებში. ამ ეტაპზე კვლევაში 1200-მდე ტურისტი და უბრალო მომხმარებელია ჩართული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა