შეიარაღებული ძალების მოქმედი ოფიცერი ირაკლი მანჯგალაძე სიცრუეს და მიზანმიმართულ დეზინფორმაციას უწოდებს თადარიგის ოფიცრის, დავით ნემსაძის მიერ გავრცელებულ ინფორმაციას, რის მიხედვით გენერალური შტაბის უფროსის პირველმა მოადგილემ ნიკოლოზ ჯანჯღავამ აფხაზეთის ომში დაღუპული გმირების სურათები თავდაცვის სამინისტროს საპატიო სტენდიდან მოხსნა.

როგორც "ექსპრესნიუსს" შეიარაღებული ძალების ოფიცერმა ირაკლი მანჯგალაძემ განუცხადა, ფოტო რომელიც დავით ნემსაძემ გაავრცელა, გადაღებულია 2006 წლის დეკემბერში, და არა ეხლა, თანაც არა სამინისტროში, არამედ გვარდიაში, სადაც მანჯგალაძის ცნობით, ნიკოლოზ ჯანჯღავა 2007 წლის იანვარში დაინიშნა ხელმძღვანელად.

" 2006 წლის დეკემბრისთვის რემონტი კეთდებოდა ეროვნული გვარდიის დეპარტამენტში, შესაბამისად ეს ფოტოები ჩამოხსნეს რომ არ დაზიანებულიყო. 2007 წლის იანვარში ნიკა ჯანჯღავა დაინიშნა ეროვნული გვარდიის დეპარტამენტის უფროსად. აქედან გამომდინარე, იმის მტკიცება, რომ ჯანჯღავას დროს ჩამოიხსნა ფოტოები არის მტკნარი სიცრუე. მოგვიანებით ეროვნული გვარდიის დეპარტამენტის შენობა გაიყიდა და ფოტოებიც გადავიდა ახალ შენობაში. მაშინდელი პირადი შემადგენლობის ყველა წევრი დაგიდასტურებთ ჩემს სიტყვებს" - განუცხადა "ექსპრესნიუსს" ირაკლი მანჯგალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა