პატრიარქს შესაძლოა დაცვა მოუხსნან - „არ გამოვრიცხავ, რომ ეს საკითხი სინოდზე დააყენონ“

2016-12-20 22:22:30, 1650 ნახვა

საზოგადოება

არ გამოვრიცხავ, რომ ეს საკითხი [პატრიარქისთვის დაცვის მოხსნა] სინოდზე დააყენონ, - ამის შესახებ საპატრიარქოს უსაფრთხოების სამსახურის უფროსმა, იოსებ ოხანშვილმა გადაცემა "არჩევანისთვის" მიცემულ ინტერვიუში განაცხადა.

ის ადასტურებს ინფორმაციას, რომლის თანახმადაც, პატრიარქს შესაძლოა, დაცვა მოუხსნან. აღნიშნულ საკითხზე უახლოეს დღეებში სინოდის სხდომაზე იმსჯელებენ.

როგორც მან აღნიშნა, გარკვეული უთანხმოება ქორეპისკოპოსის თანაშემწესა და დაცვის წევრებს შორის იყო, მაგრამ ეს ინციდენტი სიტყვიერი შეურაცხყოფა იყო და არა ფიზიკური დაპირისპირება. მისი განცხადებით, მას არ ჰგონია, რომ ასეთი გადაწყვეტილება მიიღონ, მისივე თქმით, აბსურდულია, "პატრიარქი დატოვონ დაცვის გარეშე".

„მე არ გამოვრიცხავ, რომ დააყენონ ეს საკითხი სინოდზე და მისი განხილვა მოხდეს. მაგრამ ამას ერთი მხარე ვერ გადაწყვეტს. ალბათ მეც დამიძახებენ. უშუალოდ პატრიარქთან მოხდება ამის გარკვევა და ის საერთო განხილვის თემა არ იქნება და სინოდი ვერ გადაწყვეტს. ეს არის სახელმწიფოს გადასაწყვეტი. მე არ მგონია ასეთი გადაწყვეტილება მიიღონ, აბსურდულად მიმაჩნია, რომ პატრიარქი დატოვონ დაცვის გარეშე,“ - განაცხადა სოსო ოხანაშვილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან