ბერლინში საშობაო ბაზრობაზე თავდასხმის შემსრულებელი თავისუფალია, - ამის შესახებ გერმანული გამოცემა Die Welt-ი იუწყება.

Die Welt-ის ინფორმაციით, პოლიციამ შეცდომით სხვა ადამიანი დააკავა. დაკავებული პაკისტანელი ლტოლვილი სატვირთო მანქანის მძღოლი არ არის.

გერმანიის შინაგან საქმეთა მინისტრ ტომას დე მაზიერის განაცხადებით, 19 დეკემბერს დაკავებული მამაკაცი დანაშაულს კატეგორიულად უარყოფს. ბერლინის პოლიციის უფროსი კლაუს კანდტი ასევე დარწმუნებული არ არის, რომ დაკავებულს კავშირი აქვს თავდასხმასთან.

“არსებობს ეჭვი იმასთან დაკავშირებით, რომ სწორედ ეს ადამიანი მართავდა სატვირთო მანქანას”,  - განაცხადა ბერლინის პოლიციის უფროსმა.

ამასთან, პოლიციამ დაადასტურა, რომ მგზავრი, რომელიც სატვირთო მანქანაში გარდაცვლილი აღმოაჩინეს, პოლონეთის მოქალაქეა. პოლონურ კომპანიაში, რომელსაც მანქანა ეკუთვნოდა, განაცხადეს, რომ მძღოლთან კავშირი ტრაგედიამდე რამდენიმე საათით ადრე დაკარგეს.

როგორც გამოცემა იტყობინება, თავდამსხმელი შეიარაღებული და საშიშია.

შეგახსენებთ, რომ გერმანიის დედაქალ ბერლინში საშობაო ბაზრობის ტერიტორიაზე სატვირთო ავტომანქანის შევარდნის შედეგად 12 ადამიანი დაიღუპა, 48 კი მძიმედ დაშავდა. ​ მომხდარს ტერაქტის კვალიფიკაცია მიენიჭა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა