საქართველოს ეროვნულ მუზეუმსა და ეროვნულ ბანკს შორის თანამშრომლობის მემორანდუმი გაფორმდა.

მემორანდუმის მიხედვით, ეროვნული ბანკი მუზეუმს საკოლექციო და მიმოქცევის დანიშნულების, ასევე, მიმოქცევიდან ამოღებულ ბანკნოტებსა და მონეტებს, რომლებიც სამომავლოდ მუზეუმის საგამოფენო სივრცეში განთავსდება.

გარდა ამისა, ეროვნული მუზეუმი ეროვნულ ბანკთან ერთად განახორციელებს შემეცნებით-სასწავლო პროექტებს კულტურის, მეცნიერებისა და ისტორიის სფეროში.   

მემორანდუმს ხელი მოაწერეს ერვნული ბანკის აღმასრულებელმა დირექტორმა, გიორგი მელაშვილმა და ეროვნული მუზეუმის გენერალურმა დირექტორმა, დავით ლორთქიფანიძემ.  

"დღეს ხელი მოვაწერეთ მემორანდუმს თანამშრომლობის შესახებ, რომლის მიხედვითაც, მუზეუმს გადავცემთ ეროვნული ბანკის  მიერ გამოშვებულ ბანკნოტებსა და მონეტებს,  რომლებიც განთავსდება ეროვნულ მუზეუმის საგამოფენო სივრცეში. როგორც წესი, ფულის ისტორიას ქვეყნის პოლიტიკისა და ეკონომიკის ისტორიის საკითხების გაშუქებაში განსაკუთრებული მნიშვნელობა ენიჭება.  ვფიქრობთ, აღიშნული თანამშრომლობა მუზეუმისა და ზოგადად ქვეყნის ვიზიტორებისთვის მნიშვნელოვანი იქნება", - განაცხადა ეროვნული ბანკის აღმასრულებელმა დირექტორმა გიორგი მელაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში