თბილისის მთავარი ნაძვის ხე რუსთაველის გამზირზე, პარლამენტის შენობის წინ საზეიმოდ აინთო. ღონისძიებას თბილისის მერი დავით ნარმანია ოჯახთან ერთად დაესწრო. მასთან ერთად იმყოფებოდა თბილისის საკრებულოს თავმჯდომარე გიორგი ალიბეგაშვილიც. 

ცენტრალური ნაძვის ხე თოვლის ბაბუამ „მოძრაობის თეატრის“ მსახიობებთან და ბავშვებთან ერთად აანთო.  

22 მეტრი სიმაღლის ნაძვის ხე, რომელიც რუსთაველის გამზირზე, პარლამენტის შენობის წინ დაიდგა, წითელი და ოქროსფერი ბურთებით, ბაფთებითა  და ილუმინაციებით არის მორთული. წელს, მთავარი ნაძვის ხე განსხვავებული დიზაინით განათდა, ტრადიციულ დეკორაციას მანათობელი ბურთები და ციმციმები დაემატა.

„დღეს საზეიმოდ განათდა ქალაქის მთავარი ნაძვის ხე . ჩვენი ქალაქი საახალწლოდ ძალიან ლამაზია.   დღითიდღე სულ უფრო და უფრო იმატებს საახალწლო განწყობა და მნიშვნელოვანია , რომ ქალაქის მთავარი ნაძვის ხის ანთება დღევანდელ  წმინდა და ლამაზ დღეს ,  ბარბარობის დღესასწაულს დავამთხვიეთ. მინდა ყველას მოგილოცოთ ბარბარობის წმინდა დღესასწაული და ასევე კარსმომდგარი ახალი წელი, რომლის ლამაზად შემოსვლისთვის ქალაქის მთავრობა ყველაფერს აკეთებს“,-განაცხადა თბილისის მერმა დავით ნარმანიამ.

საახალწლო ღონისძიებები დედაენის ბაღსა და „ახალ ტფილისში“ 25 დეკემბრიდან დაიწყება და 3 იანვრამდე გასტანს. 9 დღის განმავლობაში სხვადასხვა კულტურული, სპორტული და საბავშვო ღონისძიება გაიმართება. 25 დეკემბერს კი „საახალწლო ქალაქი“ დედაენის ბაღში,  ვახტანგ კახიძის საავტორო პროექტით „საშობაო ზღაპარი“ გაიხსნება. რაც შეეხება საახალწლო გალა კონცერტს, ის  ტრადიციულად 31 დეკემბრის ღამეს, ვარდების მოედანზე გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წიგნების ჩალაგება დავიწყე - ვუჩიჩმა მალე გადადგომის შესახებ განაცხადა

ქსირმა პირობა დადო, რომ ახლო აღმოსავლეთს აშშ-სთვის „ჯოჯოხეთად“ გადააქცევს

პაპმა ლეომ ბარსელონას საკათედრო ტაძარში იესო ქრისტეს კოშკი აკურთხა

აშშ-მ ირანი დაბომბა