აღმოსავლეთ ალეპოდან ხალხის ევაკუაცია დროებით შეწყვეტილია, - ამის შესახებ BBC იუწყება. 

დამასკოს მტკიცებით, ამბოხებულები ცეცხლის შეწყვეტის რეჟიმის პირობებს არ ასრულებენ.

ამასთან, სააგენტო Reuters-ი იტყობინება, რომ იმ ადგილას, საიდანაც ხალხით სავსე ავტობუსები გადიან, აფეთქებების ხმა ისმის. ამბოხებულებისა და სირიელი აქტივისტების ინფორმაციით, მანამდე ევაკუაციის პროცესის დასაჩქარებლად, ადგილობრივ მცხოვრებლებს საკუთარი სატრანსპორტო საშუალებების გამოყენების უფლება მისცეს.

გაერო-ს მონაცემების თანახმად, აღმოსავლეთ ალეპოში კიდევ 50 ათასამდე ადამიანია დარჩენილი. სამოქალაქო პირების გადაყვანა ქალაქის დასავლეთ ნაწილში იგეგმება, ამბოხებულებისა და მათი ოჯახების წევრების - იდლიბის პროვინციაში, რომელსაც ოპოზიცია აკონტროლებს.

აღმოსავლეთ ალეპოდან მშვიდობიანი მოსახლეობისა და ამბოხებულების ევაკუაცია 15 დეკემბერს დაიწყო.

რუსეთის თავდაცვის სამინისტროს მონაცემებით, ევაკუაციის პირველი დღის განმავლობაში, ალეპოდან ცხრა ავტოკოლონით 6462 ადამიანი გაიყვანეს, მათ შორის 3000 მებრძოლი და 40-მდე დაჭრილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია