პირველად საქართველოში, 2016 წელს ეკონომიკისა და მდგრადი განვითარების სამინისტროს ტურიზმის ეროვნული ედმინისტრაციის ინიციატივით სამთო-საფეხმავლო მარშრუტების ქსელის მონიშვნის ქართული სტანდარტი შემუშავდა. ამიერიდან ქვეყანაში სამთო სათხილამურო მარშრუტის გეგმარება და მარკირება სტანდარტით განსაზღვრული წესების მიხედვით მოხდება, რომელიც ეროვნულ რეგლამენტად საქართველოს მთავრობის მიერ დამტკიცდა.

სამუშაო ჯგუფმა სალაშქრო ტურიზმის სფეროში მოწინავე ქვეყნების( შვეიცარია,საფრანგეთი,პოლონეთი) გამოცდილებაზე დაყრდნობით საქართველოზე მორგებული სამთო-საფეხმავლო მარშრუტების მონიშვნის წესი შეიმუშავა. აღნიშნული სტანდარტის მიხედვით, უკვე მარკირებულია ზემო სვანეთში არსებული და სამეგრელოსთან დამაკავშრებელი ბილიკები.

აღნიშნულთან დაკავშირებით, ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ დღეს პრეზენტაცია გამართა.

როგორც ჩოგოვაძემ აღნიშნა, ამიერიდან ქვეყანაში ყველა სამთო საფეხმავლო მარშრუტის გეგმარება და მარკირება სტანდარტით განსაზღვრული წესების მიხედვით მოხდება, რომელიც ეროვნულ რეგლამენტად საქართველოს მთავრობის მიერ დამტკიცდა.

ჩოგოვაძის განმარტებით, პროექტზე მუშაობდნენ როგორც სახელმწიფო სტრუქტურის, ასევე კერძო ტურისტული სექტორის წარმომადგენლები.

"ეს პროექტი დამზადდა საერთაშორისო გამოცდილების გაანალიზების შედეგად. ტურიზმის ეროვნულ ადმინისტრაციას 6 რეგიონის შესწავლა დასრულებული აქვს და დაწყებულია იმპლემენტაცია იმ ინფრასტრუქტურის, რომელიც გათვალისწინებულია. 2017 წელს კიდევ 2 რეგიონის შესწავლა დაემატება და უახლოესი წლების განმავლობაში საქართველო მთლიანად მარკირებული იქნება ამ თანამედროვე სტანდარტის მიხედვით”, - განაცხადა ჩოგოვაძემ.

ამ ეტაპისთვის მზად არის 156 მარშრუტის პროექტი, რომელიც 6 რეგიონს მოიცავს. 2017 წელს 2 რეგიონი დაემატება. 4 წლის შემდეგ კი 8 რეგიონის მარშრუტები სრულად იქნება მარკირებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს