თავდაცვის ინსტიტუციური აღმშენებლობის (DIB) სკოლაში ნატო-საქართველოს არსებითი პაკეტის (SNGP) ფარგლებში უსაფრთხოების სექტორში სამომავლო ტრენინგების საჭიროებები განიხილეს. შეხვედრას საქართველოს თავდაცვის მინისტრის მოადგილე ნუკრი გელაშვილი, შინაგან საქმეთა მინისტრის მოადგილე შალვა ხუციშვილი, ეროვნული უშიშროების საბჭოს მდივნის მოადგილე თეონა აქუბარდია, ასევე უსაფრთხოების და კრიზისიების მართვის საბჭოს, საქართველოს პარლამენტისა და ნატოს ძირითადი ჯგუფის წარმომადგენლები დაესწრნენ.

მხარეებმა 2017 წელს ინსტიტუციური აღმშენებლობის სკოლაში დაგეგმილ საგანმანათლებლო და პროფესიული განვითარების კურსებზე ისაუბრეს და ერთობლივი თანამშრომლობის ფორმატი განიხილეს. უსაფრთხოების სექტორის წარმომადგენლებმა ყურადღება გაამახვილეს ნატო-საქართველოს არსებითი პაკეტის (SNGP) ფარგლებში ტრენინგების ანალიზის პროცესზე როგორც ეროვნულ, ისე საერთაშორისო დონეზე. შეხვედრა დისკუსიის ფორმატში გაიმართა.

ნატოს ძირითადი ჯგუფის წარმომადგენლებმა ხაზი გაუსვეს სამხედრო და სამოქალაქო სექტორის ჩართულობას ინსტიტუციური აღმშენებლობის სკოლის (DIB) საქმიანობაში და სამომავლო თანამშრომლობისთვის მზადყოფნის სურვილი გამოთქვეს.

საქართველოს თავდაცვის მინისტრის მოადგილის ნუკრი გელაშვილის თქმით, შეხვედრის მიზანი ერთობლივი პროექტების შეჯერება იყო, რომელიც საინტერესოა თავდაცვისა და უსაფრთხოების სფეროში მომუშავე ყველა უწყებისთვის: „2017 წელს თავდაცვის ინსტიტუციური აღმშენებლობის სკოლა გარკვეული პროექტების განხორციელებას გეგმავს. შეხვედრის მიზანი სწორედ პროექტების შეჯერება იყო, რომლებიც ყველა უწყებისთვის იქნება საინტერესო. აღნიშნული შეხვედრები გაიმართება სამუშაო დონეზე, სამუშაო ჯგუფების ფარგლებში, ხოლო სტრატეგიული ჯგუფი გარკვეულ ზედამხედველობას გაუწევს როგორც დაგეგმილ პროექტებს, ისე მათ შესრულებას“.

ინსტიტუციური აღმშენებლობის სკოლა ნატო-საქართველოს არსებითი პაკეტის ერთ-ერთი მნიშვნელოვანი პროექტია და მის მთავარ მისიას თავდაცვის სამინისტროს ინსტიტუციური გაძლიერება და თანამშრომლობის პროფესიული განვითარება წარმოადგენს. სკოლის მიზანია ეროვნულ დონეზე თავდაცვის, უსაფრთხოების საკითხებზე საერთო მიდგომების განვითარება და თანამშრომლობის გაღრმავება ნატოს შესაბამის სტრუქტურებთან, წევრ და პარტნიორ ქვეყნებთან თანამშრომლობის გაძლიერება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით