სასჯელაღსრულებისა და პრობაციის სამინისტროსა და საქველმოქმედო ფონდ „სავსე გულით“ შორის ურთიერთთანამშრომლობის მემორანდუმი გაფორმდა. მემორანდუმს ხელი სასჯელაღსრულებისა და პრობაციის სამინისტროს პენიტენციური დეპარტამენტის სოციალური სამმართველოს უფროსმა ლეილა აფციაურმა და ფონდის აღმასრულებელმა დირექტორმა გიორგი ჭილაშვილმა მოაწერეს. 

ურთიერთთანამშრომლობის მემორანდუმი პენიტენციურ დაწესებულებებში მყოფ მსჯავრდებულთა ოჯახის წევრების პიროვნულ და პროფესიულ გაძლიერებას, სოციალურ-ეკონომიკური მდგომარეობის გაუმჯობესებასა და სარეაბილიტაციო პროგრამების განხორციელებას გულისხმობს. 

მემორანდუმის ფარგლებში მხარეები შეთანხმდნენ მსჯავრდებულთა ოჯახის წევრების იურიდიულ დახმარებაზე, ასევე, მსჯავრდებულთა არასრულწლოვანი შვილებისთვის სხვადასხვა სპორტულ-საგანმანათლებლო სწავლების დაფინანსებაზე, სოციალურად დაუცველ მსჯავრდებულთა სტუდენტი შვილებისთვის სწავლის დაფინანსებაზე, მსჯავრდებულთა ოჯახის წევრებისთვის სოციალური მუშაკის მომსახურებასა და ფსიქოლოგიურ კონსულტაცია/დახმარებაზე.

სასჯელაღსრულებისა და პრობაციის სამინისტროს პენიტენციური დეპარტამენტის სოციალური სამმართველოს უფროსის ლეილა აფციაურის განცხადებით, მემორანდუმის ფარგლებში განხორციელებული პროექტები მსჯავრდებულთა რესოციალიზაცია-რეაბილიტაციას შუწყობს ხელს. 

„მემორანდუმი, რომელიც დღეს გაფორმდა ძალიან მნიშვნელოვანია ჩვენი სისტემისთვის. ფონდი გვთავაზობს პროექტებს მსჯავრდებულთა ოჯახების წევრთა ფსიქოლოგიური და იურიდიული დახმარების თვალსაზრისით. ასევე, არასრულწლოვანთა სხვადასხვა საგანმანათლებლო პროგრამების დაფინანსებას და რაც ყველაზე მნიშვნელოვანია, ითვალისწინებს მსჯავრდებულთა ოჯახების მცირე ბიზნესში ჩართვის მექანიზმებს“, - განაცხადა ლეილა აფციაურმა. 

საქველმოქმედო ფონდ „სავსე გულით“ აღმასრულებელი დირექტორის გიორგი ჭილაშვილის განცხადებით, მხარეებს შორის მემორანდუმით გათვალისწინებულ საკითხებზე თანამშრომლობა მსჯავრდებულთა საჭიროებებზეა მორგებული.

„ამ მიმართულებით სასჯელაღსრულებისა და პრობაციის სამინისტროს მხარდაჭერა არის მნიშვნელოვანი, რადგან სეგმეტი ძალიან სენსიტიურია, სჭირდება თავისი სპეციფიური მიდგომები. ერთობლივად შევძლებთ უფრო მეტი საქმის კოორდინირებულად გაკეთებას“, - განაცხადა გიორგი ჭილაშვილმა.

სასჯელაღსრულებისა და პრობაციის სამინისტროს ერთ-ერთი ძირითადი მიმართულება და პრიორიტეტია ბრალდებულთა/მსჯავრდებულთა რესოციალიზაცია-რეაბილიტაციაზე ზრუნვა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

10 ნოემბერს საქართველოს ბანკი მშობლებისთვის ვებინარს მართავს: მომავლის პროფესია, განათლება და მშობლის როლი AI-ის ეპოქაში

რუსეთმა საფრანგეთში გამართული საპროტესტო აქციები მთავრობის დისკრედიტაციისთვის გამოიყენა

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში