პირველი ვიცე-პრემიერის, ფინანსთა მინისტრის დიმიტრი ქუმსიშვილის განცხადებით, 2017 წლით გათვალისწინებული ბიუჯეტით სხვადასხვა უწყებების დაფინანსება გაიზრდება.

როგორც პარლამენტში ქუმსიშვილმა ფრაქცია „საქართველოს პატრიოტების“ სხდომაზე აღნიშნა,  2017 წლის ბიუჯეტით ჯანდაცვის  დაფინანსება 253, 8 მილიონი ლარით გაიზრდება.

მინისტრის განმარტებით, ჯანდაცვის პროგრამებისთვის გამოყოფილია 895 მილიონი ლარი, ხოლო სამედიცინო დაწესებულებების რეაბილიტაციისთვის 30.

„განათლების და მეცნიერების სამინისტროს დაფინანსება იზრდება 138, 4 მილიონი ლარით.  სოფლის მეურნეობის სამინისტროსთვის გამოყოფილი 258 მილიონი ლარი ნაწილდება სამელიორაციო სისტემებზე,  შეღავათიან აგროკრედიტებზე, რთველის ხელშეწყობის ღონისძიებებზე და ა.შ.  რეგიონალური განვითარების და ინფრასტრუქტურის სამინისტრო მილიარდ 258 მილიონ  ლარი იქნება გამოყოფილი.  ეკონომიკის სამინისტროს ბიუჯეტი  ძალიან საინტერესოა,  370 მილიონი ლარი გამოიყოფა, სადაც „აწარმოე საქართველოში“  არის 41, 7 ლარი ლარი. ანაკლიის პორტისათვის საჭირო  დანახარჯები არის 96  მილიონი ლარი.   თავდაცვის სამინისტროსთვის გათვალისწინებულია  748 მილიონი  ლარი, შინაგან საქმეთა სამინისტროსთვის  585 მილიონი ლარი, საქართველოს სახელმწიფო უსაფრთხოების სამსახურისთვის  გათვალისწინებულია  118 მილიონი ლარი, სასჯელღსრულებისა და პრობაციის სამინისტროსთვის  139,1 მილიონი ლარი,  ენერგეტიკის სამინისტროსთვის  132 მილიონი ლარი, საგარეო საქმეთა სამინისტროსთვის 110 მილიონი ლარი,  კულტურისა და ძეგლთა დაცვის სამინისტროსთვის 99,6 მეათედი  მილიონი ლარი, იუსტიციის სამინისტროსთვის 62 მილიონი ლარი, ლტოლვილთა და განსახლების სამინისტროსთვის  84, 8 მეათედი მილიონი ლარი, სპორტის და ახალგაზრდულ საქმეთა სამინისტროსთვის  136, 8 მეათედი მილიონი ლარი, გარემოსა და ბუნებრივი რესურსების დაცვის სამინისტროსთვის 35, 7 მეათედი მილიონი ლარი,  ფინანსთა სამინისტროსთვის 82, 3 მილიონი ლარი  და ასევე 17 მილიონი ლარით არის გაზრდილი საერთო სასამართლოების  დაფინანსება“,-განაცხადა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება