პარიზში მშვიდობის  მარშში მონაწილეობის მისაღებად სამ მილიონზე მეტი ადამიანი  გამოვიდა.

ამის შესახებ ინფორმაციას „ბი ბი სი“ ავრცელებს.

მშვიდობის მარში საფრანგეთის სხვადასხვა ქალაქში მიმდინარეობდა, თუმცა ყველაზე დიდი მსვლელობა პარიზში ჩატარდა.

პარიზში მსვლელობა,  რესპუბლიკის მოედნიდან, თბილისის დროით 18:00 საათზე დაიწყო და  რამდენიმე საათის განმავლობაში გაგრძელდა.  ერთობის მარშში მონაწილეობდნენ: საფრანგეთის პრეზიდენტი ფრანსუა ოლანდი და 40-ზე მეტი ქვეყნის პირველი პირი, მათ შორის გერმანიის კანცლერი ანგელა მერკელი, გაერთიანებული სამეფოს პრემიერ-მინისტრი დევიდ ქემერონი და უკრაინის პრეზიდენტი პეტრო პოროშენკო. რუსეთის დელეგაციას პარიზში დაგეგმილ აქციაზე საგარეო საქმეთა მინისტრი სერგეი ლავროვი წარმოადგენს. სოლიდარობის აქციაში ასევე მონაწილეობენ ნატო-სა და ევროკავშირის ხელმძღვანელი პირები. საქართველოდან მარშში პრემიერ-მინისტრი ირაკლი ღარიბაშვილი მონაწილეობდა.

შეგახსენებთ, რომ  ჟურნალ Charlie Hebdo-ს რედაქციაზე თავდასხმას 12 ადამიანის სიცოცხლე ემსხვერპლა 11 კი დაიჭრა. რაც შეეხება თავდამსხმელებს, საფრანგეთში მიმდინარე სპეცოპერაციების დროს სამი მათგანი,  ძმები შერიფ და საიდ კუაშები, ასევე ამედი კულიბელი ფრანგულმა პოლიციამ მოკლა.  ხოლო მეოთხე ეჭვმიტანილს, ჰაიათ ბუმედინის ამ დრომდე ეძებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო